影片
更多
2014-11-09
2585 浏览
几年前睇左【瘦身男女】介绍哩间铺ge报道，我就非常想黎了，但我真系好少去香港岛的，所以苦无机会。。。 今日终于有机会喇，因为有啲事要去湾仔入境事务处一趟，我又点可以再错失哩个机会呢我同老婆推住BB车就走过去，走呀走，因为行小路ge关系，唔熟路走过龙，走到去Sogo添只好走返转头，我老婆算系冇乜耐心ge人，佢开始有野讲了。。。。。。过咗鹅颈桥入人多区佢就更怀疑我改变唔识路的 好好好，我承认我只系睇咗地图一次，基本上系估估下的但好好彩，一下就俾我估中了，哈哈，Lucky~~~ 街市系揾到了，亦睇到应该系上边，但楼梯好长啊，我又推住BB车。。。。。。顶硬上！终于上到黎了，揾到间铺，之前睇咗好多食评，话哩度系街市熟食档，卫生要忍耐云云，我就予咗会又热又污糟的了，但一到又完全冇o个种感觉wo，有冷气，地方有食环处管理又点算污糟呢，系凳多咗啲，推BB车唔太方便啰（怪得边个）坐低后我又开始担心了。。。。。。行咗咁耐如果唔好食就大锅了我老婆根本唔知哩度好咩好食，当然就我发办啦~ 当然系要order最出名ge烧鸭批饭同咖喱羊饭啦食得喇食得喇 我老婆怕骚唔食羊，碟羊当然我食啦，大大碟，哈哈~~~ 我食咗一
今日终于有机会喇，因为有啲事要去湾仔入境事务处一趟，我又点可以再错失哩个机会呢
我同老婆推住BB车就走过去，走呀走，因为行小路ge关系，唔熟路走过龙，走到去Sogo添
只好走返转头，我老婆算系冇乜耐心ge人，佢开始有野讲了。。。。。。过咗鹅颈桥入人多区佢就更怀疑我改变唔识路的 好好好，我承认我只系睇咗地图一次，基本上系估估下的
但好好彩，一下就俾我估中了，哈哈，Lucky~~~
街市系揾到了，亦睇到应该系上边，但楼梯好长啊，我又推住BB车。。。。。。顶硬上！
终于上到黎了，揾到间铺，之前睇咗好多食评，话哩度系街市熟食档，卫生要忍耐云云，我就予咗会又热又污糟的了，但一到又完全冇o个种感觉wo，有冷气，地方有食环处管理又点算污糟呢，系凳多咗啲，推BB车唔太方便啰（怪得边个）
坐低后我又开始担心了。。。。。。行咗咁耐如果唔好食就大锅了
我老婆根本唔知哩度好咩好食，当然就我发办啦~ 当然系要order最出名ge烧鸭批饭同咖喱羊饭啦
食得喇食得喇 我老婆怕骚唔食羊，碟羊当然我食啦，大大碟，哈哈~~~
我食咗一啖。。。嗯。。。。老婆你可以试下了，冇乜骚味。
老婆：味道唔错啊
我 ：味道是OK的，但我比较中意食骚啲啰
当然最后大部分都系我食晒啦，味道系唔错的，但未到眼前一亮ge程度啰，我住o系南非10几年，o个边好多印度人，又去过好几个咖喱出名ge国家，又o系住香港好多年，所以我真系食过好多种咖喱所以，俾佢80分吧
我当然唔会放过一试哩度烧鸭ge机会啦~~~~
老婆：好味~~~ BB都中意食
我试咗一啖。。。。。。好甜！好嫩！好多肉汁！好好味啊！！！！！！！！烧到连应该会少少干ge鸭批握位都好嫩呀！！！
真系觉得一只鸭可以烧到哩个程度已经无可挑剔了！！！！！！！
好彩头先冇放弃去其他地方随便随便咋
我老婆都非常满意
题外话/补充资料：
羊骚味，哩种感觉好与坏，其实真系见仁见智，其他人唔知，但我比较中意食有骚味的，但开铺要迎合大部分人ge口味我是完全理解的
(以上食记乃用户个人意见 , 并不代表OpenRice之观点。)
张贴