祥興麵家 (已結業)

每一次路经，都见到佢哋将成攞蟹及田鸡放响门口做selling point。去亲鸭记除咗买电池及仪器之外，就算要食嘢都只会去合益泰督肠粉及新香园食蛋牛治。今日想有D新意，就入去试吓碗田鸡粥...虽然好想好想叫埋蟹粥，但实在太多，惊食唔晒。浪费食物，绝对系罪过...粥底颇绵，食落好淡口，感觉好"清"，食唔到师傅嘅存在，仲有榨菜粒吊味，水准算不错；田鸡即㓥即食，算几新鲜，不过肉不够结实。始终时至今日，要揾到走地田鸡，谈何容易...食粥梗要搭埋一碟肠粉先够喉。是日叫嘅虾米肠，够足料，滑就当然不及旁边嘅合益泰，但都还可以...下次来个双并田鸡蟹粥，甜上加甜...