祥興麵家 (已結業)

又到星期六一個人搵晏食，今次揀傳統老牌粥麵店祥興，其實都食過好多次，第一次推介。祥興位於鴨記，以賣粥麵煲仔飯為主，老店裝修當然就是老。今次點了豬潤牛肉粥及淨雲吞，豬潤牛肉粥強調是豬仔潤食落無(押)味亦唔會太熟幾老，牛肉嫩滑有口感，叫伙記拎隻豉油碟，豉油加辣椒油點豬潤同牛肉，正呀，祥興自家製辣椒油除辣味更有一份香味。淨雲吞有7粒，食好多好多蝦，蝦肉鮮甜加上唔太肥豬肉同薄薄雲吞皮，好食，尤其是個湯底，應該有大地魚所以好鮮甜好好飲，大家不妨一試。

以為會有牛什河, 原來這間是沒有的。今次選食水餃河 ($22)。來時, 覺得碗太細了, 湯水也沒多少了,亦只有水鮫三粒, 味道是ok的。河粉都算滑, 好味的, 不過有點碎。吃完後, 短期也不再來了。

經過聞到好香, 於是坐低試下 <祥興粥麵專家>豬手牛腩撈麵：牛腩林， 腩汁豐富豬手皮滑 肥高充滿骨膠原麵彈牙得黎充滿蛋香 將撈麵汁倒落去連麵既腩汁令人食指大動 配以自家制炒辣椒醬， 一流！價錢只係36 蚊十分抵食P.s. 仲有小菜， 粥麵飯， 煲仔飯， 全部質素極高， 值得一試再試！

經過聞到好香, 於是坐低試下 <祥興粥麵專家>豬手牛腩撈麵：牛腩林， 腩汁豐富豬手皮滑 肥高充滿骨膠原麵彈牙得黎充滿蛋香 將撈麵汁倒落去連麵既腩汁令人食指大動 配以自家制炒辣椒醬， 一流！價錢只係36 蚊十分抵食P.s. 仲有小菜， 粥麵飯， 煲仔飯， 全部質素極高， 值得一試再試！

位於鴨寮街既呢間面店不嬲區內都有點人氣，我是指本區好多街坊都係熟客仔!!呢日又來食個lunch先~由於過左食晏時間，人唔係甘多，梗好啦，無甘迫!! 分別叫左水餃伊面$20 + $3 ，鯪魚球面$25 & 蝦米腸$10~水餃有4隻，但奇怪地有一隻特別細隻，材料有雲耳，蝦同菜，蝦唔似鮮蝦，不彈牙，雲耳則令其增加了口感，整體其實沒什麼味道~而伊面則和一般食開既沒兩樣，有點未煮透!!!鯪魚球就細細粒，一般彈牙甘啦，食到少少果皮味，面則彈牙沒有梘水味，整體不算差!!!!蝦米腸份量算多，抵食，滑溜有米香，而大量蝦米仔增加了咸香，配合蔥花，麻醬，甜醬，十分好食!!!!下次要試下煲仔飯先!!!

In Sham Shui Po, there is a place famous for rice rolls where people go.Although this is not the one, I came here because the photos on OpenRice consistently showed the rice rolls with a glistening surface.The must eat item is the shrimp and spring onion rice rolls, the rice rolls with fried dough sticks is nice too but the taste is inconsistent and the rest of the choices do not taste as good as this.They serve crab congee too with crab roe, which is really cheap for $35.★☆★☆★☆★☆★☆★☆★☆★☆★☆★☆★☆★

中午時分自己一個人來到此店食碗雲吞麵特別喜歡此店雲吞, 蝦同肥肉比例平均, 蝦肉亦算彈牙雲吞皮薄, 細細粒相比其他店既大大粒更夠鮮味湯底亦夠清甜而且麵質夠爽最重要沒有半點木山梘水味

下午2:30在深水埗出入三十多年，都唔知有這間麵店，前幾日在書局看到介紹才知。環境有些破舊招牌撈麵：正！有豬粉腸、豬潤、魚片和肉片、配生麵、薑葱油和秘製豉油，所有肉類都煮得剛剛好。灼爽脆魚皮：老公要叫，我不吃魚皮所以見到有些毛管恫，但仍吃了一塊，真是很爽脆。雲吞：沒有特別鮮牛肉麵：牛肉既滑亦有鮮味。這間店出名的是粥，今次沒有叫，下次再來

平時陪爸爸去完鴨寮街, 通常都在SSP很迷失不知哪兒開飯好, 沿路走著見到這家店, 爸爸說1試就進去。爸爸1來已經說要吃的魚皮, 很爽口的, 不過有點韌, 麻油味也有點下得過火。晚上也吃到熱呼呼的膠粉~~~ 布拉腸粉很滑, 晶瑩剔透好像會發光1樣~長長的碟將醬放在1邊, 那可以先試腸粉的原味, 再自行加醬, 任君選擇~魚片腸1樣的美味! 鮮味夠片配滑腸粉, 是愛魚之1 的寶物。有專人燒的煲仔飯怎能不試~!跟爸爸1起可以試1些很"佬"的款式(實情小妹也很佬), 鴛鴦雞飯, 即是滑雞與田雞~上桌後偷睇1下, 飯還是點兒濕, 我們都稍等等等才開蓋。 2種雞都很肥美, 飯充滿油香, 鍋底又有飯焦, 及格吧!麵的話我們沒試, 煲仔飯也總算不過不失的~~ 反而是腸粉可以encore!

說到區內的雲吞麵店，大家也認識劉森記，鴨寮街內的"祥興"，相比之下，知名度並不高，上一次來，是三年前左右。早上已開門營業，還未有食客，只有我拿著部相機，扮龍友混吉。除了麵食之外，更有廣東粥，腸粉等供應，這個早上，吃一碗淨雲吞。雲吞現已分開了幾個幫派，有傳統，有變種，有細細粒，亦有拳頭雲吞。祥興的雲吞，比較偏向傳統的一邊。沒有金魚的散尾外表，內裡的餡料，肥豬肉與蝦肉份量平均，甘香的豬肉豐富了整粒雲吞，份量不大剛剛好，不過湯身的胡椒味，重了一點點，蓋過湯底本身清香的味道。自從大光燈一去，像這類雲吞麵已越來越少，當大家愛蝦多過豬肉，更顯得那一口肥豬肉的香，彌足珍貴，希望到我拿生果金的日子，仍然吃到這種滋味。又不要想到太遠，火兄，下次你回來，約定你在此，吃碗雲吞，加碗夜粥。

聽聞這間麵家的粥很出名, 尤其是蟹粥, 我這個蟹痴又點會錯過呢~時間約7點, 仍有坐位. 看見每枱差不多都有一碟魚皮但我不喜歡吃的所以沒有叫.飯餐附送的例湯, 看到已經不想飲, 很多肥膏, 雖然偏淡我比較喜歡, 可惜肥膏布滿整碗湯.牛腩不算太淋, 但份量不少, 只可惜........蘿蔔是酸的~~~~相公又怕麻煩不肯叫待應更換, 雖然他不吃蘿蔔. 不過我覺得連個汁都是酸的, 不知是壞了還是蘿蔔牛腩應是酸呢????整個餐相公竟然吃不清. 就知道有幾難食~~ 看見師傅是生劏奄仔蟹, 不久就熱辣辣的蟹粥送到我面前, 熱得還有很多泡泡在粥面上, 陣陣的鮮蟹味飄到我的面來, 實在是忍不在, 食了第一口粥, 粥底很棉, 亦帶點蟹的鮮味, 再看看蟹身..有些橙紅色的蟹膏, 再翻看蟹蓋....嘩)))))))))0不是誇張真是有相為證, 雖然蟹身不算大隻但蟹膏卻多得頂角色!!!!!!!!!!!!蟹膏實實的真是非常之有口感很新鮮, 已不在乎蟹身大與細, 蟹膏已令我興奮起來~~..急不及待先食了蟹蓋上的頂角蟹膏, 真是非常滿足啊~~~~~~~~~~~~~~...整煲粥內都有大大少少的粒粒蟹膏在粥裏游來游去

要到鴨記買點物事，買之前順便在附近吃些東西。最不二之選，便是到"祥興"吃碗粥麵....這裡的麵條一向不差，但今天不想吃，就只叫碗淨雲吞。湯底師傅不多，再加上下了為數不少的切粒韭黃，自己是喝完一口又一口的；雲吞件頭好像比從前大份，有少許"散尾"，不過有好幾只可能由於浸於湯內過久之關係，連"尾巴"也甩掉了；餡內的蝦沒像從前的鮮甜，是最大的缺失。吃着同時也感到胡椒粉味甚重，不知是否以此去掩蓋蝦不大新鮮之弊....追加了一碗魚片肉丸粥。粥底綿度尚okay，有少許腐竹香，但同時卻有感到有師傅的存在；魚片吃來帶少許腥氣，也不見特別的甜，跟雲吞餡內的蝦隻一樣，新鮮度同樣的不夠；肉丸不甚有彈力，肉味不濃，極普通過普通之水平....沒來了一段時間，再光顧後卻是有極大的退步，真是可惜。好吃的粥麵檔，於自己心目中，又少了一間....

路經此處又試試又是○ＰＥＮＲｌＣＥ食友有不錯評語的麵店煲仔蟹粥是最想試的款式今天的蟹唔新鮮肉質好淋隻蟹又超迷你但粥底煲得好綿加埋蟹一起煲都好鮮味所以○Ｋ啦雲吞米湯底超淡雲吞真係散修修蝦又唔爽包得唔實又係淋子子貨色最驚喜反而係蝦米腸好滑好多料真係估唔到全餐最美味竟然係唔多人提的蝦米腸整體算係○Ｋ蟹粥未算出色之作可能有日用隻新鮮Ｄ既蟹會出色好多

中午去到鴨寮街行了一陣，見到這一間舊式的麵店，就走入去試下。環境就非常一般了，是舊式的老麵店，來到時可能還早了一些，員工們還在食緊午飯，入面沒有客人，坐下望了一陣就叫了豬潤撈麵、煲仔蟹皇粥和一個油菜。豬潤撈麵($27)這裡的麵幾爽口，一食就是一種舊式店的麵味道，大地魚的湯煲得非常入味和可口，而主角豬潤又煮得非常爽口和入味，沒有豬潤平時的臭味，再加一些蔥絲和薑絲配合一下，好快便食完。煲仔蟹皇粥($28)這個粥都等了一段時間才來到，來到時是熱泡泡的，d粥是黃黃的和一點點的蟹膏，撈一撈見到原隻的奄仔蟹，真是真材賓料，d弼是非常甜和有蟹味的，奄仔蟹當然是鮮甜可口呢，不過d膽固醇就.............................員工們就是老店的老員工，都幾有禮貌，食少食多都是這樣的態度，值得一讚。估唔到鴨寮街這一邊都有一些好食的地方而只是在黃金這一邊才有好野食，絕對會再來的地方。

試過同區劉森記後一致叫好再炒同區祥興 雲吞麵 $17 水餃麵 $17牛腩蘿蔔 $20先試湯底, 味精豬油湯, 即刻打左個折 再試第一隻雲吞, 有蝦殼….. 蝦亦唔算爽口, 再食水餃又有穀, 真係唔多想食 …… 好彩麵底無乜鹼水味同夠大碗先攞返叮點分數 柱侯香濃美味, 無論牛腩蘿蔔也夠淋, 本熟驚喜次作可惜整體只是微暖, 失敗 凍檸茶 $11 : “零” 味可言 呢個食評應該係比負數與中位之間但勿抱任何其望應該有點作為既