品味人生中國廚房 (已結業)

寻晚同男友终于都试咗哩间野喇！之前等咗两三次半个钟都食唔到．叫咗一个二人自选私房餐，有好多野都岩食；见ｄ二人食客都系order哩个餐，HK$200有好多嘢食，不过加埋茶芥（香片，甜酸斋）加一HK$250：－两个头盘－师傅手撕鸡：点咗黄芥辣酱，在酸辣既口腔之中交替；米网喇叭卷：脆脆地，点以甜辣酱．两个汤－淮杞向螺头汤：好清甜；人参竹丝鸡汤：少少人参味，有ｄ油．两个小食－鸡软骨：美中不足，不应加粉浆炸，麻麻地；烧汁石中稳肉：即场示范，将一片片猪肉同石头在石头碗到炒下炒下，好有BBQ既味道，ｄ肉片好嫩滑．两个饭－茶杯糯米饭：有腊肠，烟靭既糯米饭；笼仔荷叶饭：荷叶包住糯米饭，虾米，冬菇，鸡肉，都唔错，有ｄ似糯米鸡．一个菜－马拉盏油麦菜：既咸咸地又爽脆．一个唔知系咩类－混酱云吞：辣到ｄ神经线打晒Kick．口甜舌滑－杨枝金露：西柚肉，芒果肉，西米，唔太甜，几好．日日都唔同款．