Oliva (已結業)

以往试过因openrice嘅食评去试吓新野, 不过试过'赖野', 有d怕怕!oliva 都系睇左openrice嘅食评而走去试, 不过今次真系几正, 虽然家住九龙, 11月都专程走入大埔食左两次!第一次3个人叫左pepperoni并辣鸡pizza, 12件, 一致认为辣鸡好好味, 不过size真系大, 多几个人会好d!因为pizza大, 所以只叫多一客mussel墨鱼面(正确名字唔记得点叫), mussel好新鲜, 个汁好好味!呢次食左大约210蚊, 好饱好满意, 仲有3件pizza打包!第二次都系个三条友, 今次食set dinner, 68蚊一位, 有汤, 主菜三拣一, dessert 系brownie, 咖啡或茶.汤我拣蘑菇忌廉, 有少少淡, 要加少少盐, 有蘑菇味.主菜有牛勒条, 龙利柳, 猪肉眼扒, 三样都唔错, 不过猪肉眼扒比想像中好, 好霖好甜, 返而牛勒条只系一般!至于个brownie都几大件, 甜度刚好, 对于我呢种唔系好食甜嘅人都食左三份一, 唔系唔好食, 而系食唔落, 好饱! ６８蚊加埋一都系７５，　比椰林阁稍稍贵ｄｄ，　不过感觉ｈｉｇｈ好多!