影片
更多
2024-05-25
402 浏览
位于南昌站附近嘅一间酒吧，早上以咖啡为主，夜晚就以酒为主，最近推出咗以东南亚为主题嘅Cocktail menu，当日同朋友食完晚饭去饮嘢倾偈，一次过试晒唔同风味嘅Cocktail，由轻饮到重，用味蕾畅游东南亚🥂台湾Style✨Sour Guava Highball 番石榴梅子高球酒感偏轻，饮落好清新，第一杯饮就最啱！以Tequila做底，加入清爽雪利酒、番石榴汁同Soda，带出微微香甜味道，杯边分别有话梅粉、辣椒粉、九层塔，每一啖都带出唔同风味～Cyclone Bitter 苦瓜菠萝旋风毡酒为基底，融合柚子甜酒、新鲜嘅冲绳苦瓜汁、菠萝汁，仲有自家制嘅海盐黑糖糖水，整体好清新易入口～一杯Cocktail结合咗几款水果味道，非常之夹，感觉好似去咗一转冲绳☀️Cold Brew Gardenia Tea 栀子花茶💕低糖之选香港代表嘅一杯Cocktail，以毡酒为基底加入冷泡栀子花茶调制，入口有淡淡栀子花香，后劲有酒感，仲有蜜桃甜酒嘅味道。Sticky Rice 糯米饭💕必试以泰国为主题，一睇外型就知系芒果糯米饭。将白冧酒、黑糯米酒融合芒果果茸同柠檬汁，味道香甜清新；夹埋椰子味奶盖一齐饮，好似食
台湾Style✨Sour Guava Highball 番石榴梅子高球
酒感偏轻，饮落好清新，第一杯饮就最啱！
以Tequila做底，加入清爽雪利酒、番石榴汁同Soda，带出微微香甜味道，杯边分别有话梅粉、辣椒粉、九层塔，每一啖都带出唔同风味～
Cyclone Bitter 苦瓜菠萝旋风
毡酒为基底，融合柚子甜酒、新鲜嘅冲绳苦瓜汁、菠萝汁，仲有自家制嘅海盐黑糖糖水，整体好清新易入口～一杯Cocktail结合咗几款水果味道，非常之夹，感觉好似去咗一转冲绳☀️
Cold Brew Gardenia Tea 栀子花茶💕低糖之选
香港代表嘅一杯Cocktail，以毡酒为基底加入冷泡栀子花茶调制，入口有淡淡栀子花香，后劲有酒感，仲有蜜桃甜酒嘅味道。
Sticky Rice 糯米饭💕必试
以泰国为主题，一睇外型就知系芒果糯米饭。将白冧酒、黑糯米酒融合芒果果茸同柠檬汁，味道香甜清新；夹埋椰子味奶盖一齐饮，好似食紧芒果糯米饭一样。
Salted Soy Milk Martini 豆浆马天尼
模仿上海特色早餐咸豆浆，将Volka浸大地鱼粉后，加入豆浆、苦精同雪利酒，味道咸咸地带豆香；配两嚿细细嘅油炸鬼令造型更令体，好得意～
Stardust Penicillin 斑兰盘尼西林
最后一杯亦系最浓味嘅星马风味Cocktail，以whisky浸斑兰，融合柠檬姜汁甜酒、自家制咖吔酱糖水再on top加上开心果碎，饮落口感超丰富，酒感亦相对较浓。
张贴
