影片
更多
2025-02-12
0 浏览
观塘骆驼漆大厦一向多美食，趁假日到访呢间泰国餐厅，食咗个泰式下午茶，餐厅布局非常有泰式风情，感觉几chill呀。拣咗个六宫格盒子下午茶餐，入边包咗一个主菜，再配以六款小食及甜品，更加包两杯饮品，连餐牌上嘅特饮都可以选择。呢个二人下午茶平日价钱系$198，假日则为$228。主菜有三款选择，我哋点咗白雪椰子鸡汤妈妈面配无骨海南鸡。椰子鸡汤入口清甜，带椰子香味，海南鸡入口好嫩滑，配埋妈妈面一齐食，味道好丰富及多层次。六宫价盒子入边包括泰式炸鸡、七味鸡软骨、脆炸薯格、脆炸洋葱圈，几款炸物都整得非常之香脆惹味。甜品则有熊仔椰汁米线及芒果双色糯米饭。椰汁米线有只煎仔造型公仔喺入边，有趣别致，米线带香浓嘅椰汁味，入口非常滑溜。而芒果双式糯米饭亦充满惊喜，芒果香甜，配以糯米饭一齐食，口感非常好。餐饮点咗冰镇卡通泰柠檬茶及椰林风光各一杯。泰式柠檬茶入边有只狮子造型嘅公仔，打卡一流。茶味香浓，带泰式风情，有别港式柠檬茶。椰林风光入面有凤梨、凤梨汁、椰汁及沙冰，呢个组合都可以想像好味好清新，既有椰香味，亦有凤梨嘅酸甜味，相当不错。餐厅仲设有两间VIP 房，入边有大电视，方便一班朋友开party，一边食饭，一
拣咗个六宫格盒子下午茶餐，入边包咗一个主菜，再配以六款小食及甜品，更加包两杯饮品，连餐牌上嘅特饮都可以选择。呢个二人下午茶平日价钱系$198，假日则为$228。
主菜有三款选择，我哋点咗白雪椰子鸡汤妈妈面配无骨海南鸡。椰子鸡汤入口清甜，带椰子香味，海南鸡入口好嫩滑，配埋妈妈面一齐食，味道好丰富及多层次。
六宫价盒子入边包括泰式炸鸡、七味鸡软骨、脆炸薯格、脆炸洋葱圈，几款炸物都整得非常之香脆惹味。
甜品则有熊仔椰汁米线及芒果双色糯米饭。椰汁米线有只煎仔造型公仔喺入边，有趣别致，米线带香浓嘅椰汁味，入口非常滑溜。而芒果双式糯米饭亦充满惊喜，芒果香甜，配以糯米饭一齐食，口感非常好。
餐饮点咗冰镇卡通泰柠檬茶及椰林风光各一杯。泰式柠檬茶入边有只狮子造型嘅公仔，打卡一流。茶味香浓，带泰式风情，有别港式柠檬茶。椰林风光入面有凤梨、凤梨汁、椰汁及沙冰，呢个组合都可以想像好味好清新，既有椰香味，亦有凤梨嘅酸甜味，相当不错。
餐厅仲设有两间VIP 房，入边有大电视，方便一班朋友开party，一边食饭，一边唱K或打机。
张贴
