Sleepless

营业中

休息中

难得放假嚟西贡，人又唔算多，决定喺Sleepless叹返个brunch。一入到去就见到好多得意嘅狗狗，座位都好阔落，就算有好大嘅狗狗都唔会好迫。Owl-day Breakfast脆皮芝士肠热辣辣好好食，明太子同玉子烧好夹，仲有大啡菇、Parma Ham同沙律菜，都好新鲜。个Waffle外面好脆，可以点枫蜜，配埋啲cream好好食。另外Yogurt入面有蓝莓同脆脆，健康又好味。猫猫3D拉花朱古力Latte佢嘅3D拉花好出名，价钱都几有惊喜，就决定试吓。猫猫真系好得意，朱古力latte甜度啱啱好，饮落好香滑。75%百利兹纯黑朱古力朋友要咗黑朱古力，觉得好啱钟意黑朱古力嘅人。小山园星峰抹茶白朱古力心太软配云呢拿雪糕卖相好靓，切开有抹茶流心，外层又暖又脆，唔会太甜，配埋忌廉同冻嘅云呢拿雪糕，真系好好食。