Avenue75

营业中

休息中

今日同朋友去咗尖东海旁吹下海风食完风个肚就开始肚饿啦，所以就去咗附近揾嘢食。行行吓就经过呢间餐厅，望到个装修好cozy就忍唔住入去试吓。个餐牌样样都好吸引，为咗唔好眼阔肚窄浪费食物，所以最后净系叫咗三样嘢同埋一杯Cocktail首先嚟到嘅就系杯Cocktail (lady grey)，好友惊喜，入口就有淡淡的橙香味，跟住就系下一个层次嘅gin酒味，配上一旧小小嘅甜品仔，直头有个high 紧tea 嘅感觉。饮饮吓就有黑松露薯条，佢系用𠮶啲粗身有薯仔味嘅薯条，唔系大型连锁快餐𠮶种幼幼地，好有口感。淡淡的黑松露香味，亦都好夹薯条。跟住下一个就系麻香辣椒鸡丝意大利粉。通常玩呀都系配面，呢个转咗做意大利粉，有种眼前一新嘅感觉。食落去个麻辣味好够，唔会觉得斋得个色但无味嘅感觉。而鸡丝亦都好入味，完美融入咗喺意粉入面。最后就系醉香脆皮烧鸡配香茅油饭。呢个真系必食推荐，建议大家一坐低就好嗌，因为佢即叫即焗。上到枱嘅时候热辣辣好香，鸡肉又多汁，唔会烧到鞋霎霎。配埋个香茅酱，捞少少油饭，真系谂唔到任何地方挑剔。整体嚟讲成餐都好满足，而服务员嘅态度亦都好好，环境又cozy，无论系拍拖，或者朋友聚餐都好适合。