Bread and Bistro (已結業)

星期六约左好姐妹去黄竹坑嘅One Island South食个 #brunch ，第一次去黄竹坑原来地铁好方便，一出地铁就系One Island South！餐厅装潢用心，落地大玻璃嘅自然光，加上工业风嘅特高楼底，空间感十足！Menu主打西餐饭同意粉、手工面包、Café 同甜品等轻食。🥑牛油果塔可饭 加三文鱼 $118 喺menu 睇倒呢个牛油果塔可饭好似沙律咁几得意，仲可additional 加三文鱼肉添！成座沙律山咁嘅造型，顶层有大大片三文鱼肉，下面就系口感烟韧嘅糙米饭，配料有牛油果蓉、蟹籽、青瓜粒、沙律酱、生菜丝同芝麻等，食落又似沙律又似饭，好fresh 口感丰富！推介 ！🍠🥗番薯藜麦沙律 $108由炸番薯同炸薯角做主角嘅沙律，睇见都想食！炸得香口又松脆嘅番薯🍠同薯仔🥔，真系外脆内软～ 沙律菜🥬新鲜又爽甜，再配上淡淡芝麻香嘅沙律酱，加埋藜麦一齐食更美味仲好饱肚！🍰巴克斯芝士蛋糕🍰 $38甜品太多花多眼乱，店员推介芝士蛋糕，果然冇介绍错，入口香滑，仲有浓浓芝士香味！两个人食份量啱啱好！