Lady M (已結業)

今日本身想试新出嘅方块蛋糕，但嚟到lady M点可以唔食千层蛋糕，而我个人认为伯爵茶千层系lady m咁多 个系列中嘅经典。一如既往，饼皮煎得非常薄，食落系完全感觉唔到饼皮，非常creamy，每一啖都比淡淡嘅伯爵茶味包围。食完蛋糕有啲饱，最后都系无叫新出蛋糕，反而叫咗杯法国玫瑰奶茶。第一啖饮落充满玫瑰味，玫瑰嘅清新同奶茶嘅甜味几夹。但饮咗几啖后，就开始无咩味，反而似饮奶多啲。Lady M一向都受女士欢迎就唔需要讲，不过今日tea time去到见到有好多买咗大包细包嘅游客，成间餐厅都好嘈，咁就好似同品牌想做到个种优雅嘅感觉有啲远了。