影片
更多
2022-04-16
8434 浏览
今日我同老婆加个女（1岁）去完彭福公园纯粹路过, 冇睇餐牌行咗入去, 坐低先发现 set lunch得二拣一398蚊加加一, 三个course头盘主菜甜品，复活节冇得拣，预佢贵, 算！但问题来了：1）服务：佢地个经理（佢衣著同其他waiter waitress唔一样）安排我一家三口坐张二人枱冇所谓， 你加张bb櫈畀我个女都正常不过，但正常人都唔会将佢摆喺一个人来人往嘅路口度，ps当时半尺范围内另有一张二人枱靠边系吉嘅。我哋之后日畀安排转去呢一张枱。响前后大约一个钟里面，包括佢哋经理，接触过六个staff，除咗帮我哋落单嘅𠮶位waiter同主动帮我哋转枱嘅小姐之外其他四位都系唔知道做紧乜。我地食完主菜唔记得有冇餐饮，问下个其中一个waiter，佢话应该有但帮我问下，ok冇问题, 但系接手个问题嘅另外一个waitress, 返黎就同我地讲无包餐饮，原来成四百蚊一个set lunch连餐饮都冇，好唔紧要，我饮水。甘等咗一阵间，又问下个餐有冇跟甜品，其中一个waiter竟然可以同我讲"我唔系好清楚"就自己行咗去完全唔理你, 劲！之后问个经理，佢又答我冇，但过咗几分钟之后又返嚟同我讲话原来系有个
但问题来了：
1）服务：
佢地个经理（佢衣著同其他waiter waitress唔一样）安排我一家三口坐张二人枱冇所谓， 你加张bb櫈畀我个女都正常不过，但正常人都唔会将佢摆喺一个人来人往嘅路口度，ps当时半尺范围内另有一张二人枱靠边系吉嘅。我哋之后日畀安排转去呢一张枱。
响前后大约一个钟里面，包括佢哋经理，接触过六个staff，除咗帮我哋落单嘅𠮶位waiter同主动帮我哋转枱嘅小姐之外其他四位都系唔知道做紧乜。我地食完主菜唔记得有冇餐饮，问下个其中一个waiter，佢话应该有但帮我问下，ok冇问题, 但系接手个问题嘅另外一个waitress, 返黎就同我地讲无包餐饮，原来成四百蚊一个set lunch连餐饮都冇，好唔紧要，我饮水。甘等咗一阵间，又问下个餐有冇跟甜品，其中一个waiter竟然可以同我讲"我唔系好清楚"就自己行咗去完全唔理你, 劲！之后问个经理，佢又答我冇，但过咗几分钟之后又返嚟同我讲话原来系有个甜品，fine.
其实今日个set lunch头盘得两个选择，主菜又系两个选择，加个甜品真系咁难记咩？
2）食物：
一嚟摆低一盆面包有三片，其中一片系麦包，另外两片未食一睇就系好有亲切感既美心全蛋排包，食落去，多谢，一个久违嘅味道。餐汤系龙虾汤，d油多到乜咁，主菜一块牛扒(估8-10oz左右）加几条露笋，几块南瓜粒，煮到过咗龙梅梅烂烂嘅一抽四粒车厘茄，味道就算吧，我一年入厨三四次，都好有信心自己煮都好味过佢。到甜品，佢有一条雪糕但个雪糕可以用叉拮住，敲落个碟系框框声嘅，劲！
新界区四百蚊左右一个set lunch，我都觉得系几fine dining下，完全冇饱嘅感觉。
张贴