影片
更多
2019-07-07
27 浏览
和女朋友来到大厦，想食日本嘢。平时食日本嘢，中上级数既都系$400有找。今次我哋食咗$810，本应有超出期望的味觉享受，点知⋯⋯⋯我哋嗌咗个二人次既海鲜烧，𠮶道$6xx。我哋惊唔够饱嗌咗一碗饭，$20。佢讲到话啲海鲜系由日本新鲜运到，加埋我望到价钱，期望真系好高。然后嚟到既系：一只大虾、两只南非鲍、两只带子、两只生蚝、几条纤瘦既蟹脚⋯⋯ok! 少唔紧要，最紧要好味，新鲜。侍应好好，一台有一位，专帮我哋烧同埋开啲海产，睇手势亦睇得出有train过，亦有不断讲解点样食，不过可以再大声少少，唔好咁怕酸。好喇，等咗十几二十分钟，真系开始食，我背负住呢个月都唔出街食既包袱，充满期待咁咬落去！然后发现⋯⋯味道呢？我的味觉去了哪里？佢真系可以做到：虾，冇虾味；鲍，冇鲍味；蟹，冇蟹味。唯一令我仲肯定自己有味蕾的就系个烧生蚝。不过，去台湾夜市既任何一档烧生蚝都好食过佢。好喇，到最后，终于都挨到食带子。唉，咬咗一啖，其实唔系好想食落去，但系谂起要俾$810埋单，每一啖带子，带子壳上的每一滴汁都系钱。我同女朋友都闭上眼睛喝清光。然后，我哋闭上有腥臭味既口去埋单。（我哋食开海鲜，分到咩系腥臭味，咩系鲜甜味）总
我哋嗌咗个二人次既海鲜烧，𠮶道$6xx。我哋惊唔够饱嗌咗一碗饭，$20。佢讲到话啲海鲜系由日本新鲜运到，加埋我望到价钱，期望真系好高。然后嚟到既系：一只大虾、两只南非鲍、两只带子、两只生蚝、几条纤瘦既蟹脚⋯⋯
ok! 少唔紧要，最紧要好味，新鲜。侍应好好，一台有一位，专帮我哋烧同埋开啲海产，睇手势亦睇得出有train过，亦有不断讲解点样食，不过可以再大声少少，唔好咁怕酸。
好喇，等咗十几二十分钟，真系开始食，我背负住呢个月都唔出街食既包袱，充满期待咁咬落去！然后发现⋯⋯味道呢？我的味觉去了哪里？
佢真系可以做到：虾，冇虾味；鲍，冇鲍味；蟹，冇蟹味。唯一令我仲肯定自己有味蕾的就系个烧生蚝。不过，去台湾夜市既任何一档烧生蚝都好食过佢。
好喇，到最后，终于都挨到食带子。唉，咬咗一啖，其实唔系好想食落去，但系谂起要俾$810埋单，每一啖带子，带子壳上的每一滴汁都系钱。我同女朋友都闭上眼睛喝清光。然后，我哋闭上有腥臭味既口去埋单。（我哋食开海鲜，分到咩系腥臭味，咩系鲜甜味）
总括嚟讲，员工、老板系有礼貌的，会同客人倾下偈。但请唔好用啲垃圾货嚟呃我哋，味觉唔会讲大话。做饮食，最重要始终系食物本身。
最后，踏出这栋大厦的那刻，我决定唔会再帮衬佢，为咗填饱我俩的肚及洗去口中既腥臭味，我哋去咗帮衬楼下的小食铺，买咗$15格仔饼，人生就很满足。
张贴