影片
更多
2018-01-31
832 浏览
尖沙咀食肆虽然多，但一到左午餐放饭时间，出名少少既餐厅门口都排晒长龙。想食既餐厅都打晒蛇饼，咁我唯有另觅地点解决午餐啦！盲中中咁行到哩条街，街上面有好多间米线、茶餐厅同粥粉面铺头，选择困难症既我真系拣唔落手，咁啱见到深仔记既装修好似比较是正，又唔太多人，就入左去啦每次系哩啲传统粉面店，我嗌亲既都系云吞面，今次本身想叫炸酱面，但考虑左分半钟，都系觉得云吞面健康啲同食得出高下啲，就order左招牌鲜虾云吞面啦！真系唔系讲笑，落左单无耐，我电话啱啱开左锁，老伙计就将一碗云吞面放系我面前，真系快到我觉得佢系整好左咁＞＜anyway都系食野最实际！就咁睇卖相，其实无咩特别。不过值得一提既系佢既鲜虾云吞有成五粒咁多，其他铺头可能得四粒；同埋云吞仲大大粒，绝无欺场既然讲开鲜虾云吞，咁就讲左佢既味道同口感先啦！本身对佢系零期望，只系想食饱个肚，然后一咬落去个云吞到，不得了！好弹牙再食多啖，口感依然，望真啲，原来入面既馅料唔系肥猪肉为主，有两至三只完整既虾仁，虾仁有弹性，唔似雪藏既，好鬼正，完全out of expectation除左用料大方之外，值得一赞既系佢既肥猪肉比例超少，夸张啲讲系9:1 1系肥
想食既餐厅都打晒蛇饼，咁我唯有另觅地点解决午餐啦！
盲中中咁行到哩条街，街上面有好多间米线、茶餐厅同粥粉面铺头，选择困难症既我真系拣唔落手，咁啱见到深仔记既装修好似比较是正，又唔太多人，就入左去啦
每次系哩啲传统粉面店，我嗌亲既都系云吞面，今次本身想叫炸酱面，但考虑左分半钟，都系觉得云吞面健康啲同食得出高下啲，就order左招牌鲜虾云吞面啦！
真系唔系讲笑，落左单无耐，我电话啱啱开左锁，老伙计就将一碗云吞面放系我面前，真系快到我觉得佢系整好左咁＞＜
anyway都系食野最实际！
招牌鲜虾云吞面
$32
68 浏览
0 赞好
0 留言
就咁睇卖相，其实无咩特别。
不过值得一提既系佢既鲜虾云吞有成五粒咁多，其他铺头可能得四粒；同埋云吞仲大大粒，绝无欺场
既然讲开鲜虾云吞，咁就讲左佢既味道同口感先啦！
本身对佢系零期望，只系想食饱个肚，然后一咬落去个云吞到，不得了！好弹牙
再食多啖，口感依然，望真啲，原来入面既馅料唔系肥猪肉为主，有两至三只完整既虾仁，虾仁有弹性，唔似雪藏既，好鬼正，
完全out of expectation除左用料大方之外，值得一赞既系佢既肥猪肉比例超少，夸张啲讲系9:1 1系肥猪肉既份量
对于惊外食会肥既我黎讲，绝对加左好多分！健康得黎又好好味，云吞爽口弹牙又唔罪恶
好啦！讲下个面底先。
拣左幼面，食落都系弹牙既，唔会overcook煮到淋晒，同埋都无咩碱水味，啱晒中意有咬口既我。
如果可以将团面分细啲，无咁长就更加方便进食啦！
份量唔算多，几啖就无左啦！可能我饿挂～
而汤底既部份，其实张相都可以见到个汤底飘住好多油，对我黎讲系哩碗面既扣分位。
啲油系麻油味，我觉得佢系整好左碗面之后再加上去既，虽然会多左麻油既香味，但唔好重口味既我就唔太buy啦！好似画蛇添足咁，如果下次再食，我一定会叫走油！！
总体黎讲，灵魂系鲜虾云吞，馅料大方弹牙，无得弹
如果面底份量可以多啲，走埋油，成件事就好perfect啦！事关我食完好似无食过野咁
同埋佢既定价都算进取，我系湾仔都食过鲜虾云吞面，质素都唔差，但只索价＄19，远比哩到既性价比来得高！
顺带一提，佢系装修都几有味道，传统老店既感觉但加上新净既装修，都唔差嫁
张贴
