新花清湯腩餃子專門店

营业中

休息中

星期六落去尖沙咀，做完嘢之后就心郁郁落嚟想试吓牛腩粉。嚟到嘅时候1:00都未到，已经爆晒场。好彩一个人摄到位坐。但系坑腩爽腩全数沽清得返牛腩。都系第一次帮衬，小试牛刀叫个午餐牛腩粉加两蚊试埋佢个野葛菜生鱼汤。先嚟个牛腩粉，汤底都几清甜。饮完个汤，系时候不辣椒油，正常桂林辣椒油冇乜特别。好彩不咗少少唔好浪费食物。跟手就试埋佢个蒜辣酱。哗！有少少后劲蒜香味几重。跟粉里面有嚿萝卜，平时好少食白萝卜怕化气。但一个半够就算啦，好彩有食咋，食落去完全冇渣，入口即化亦都冇萝卜𠮶种苦涩味，唔记得睇个餐牌有冇净萝卜卖，如果有，再食一碗都冇问题。牛腩虽然唔系咩特别部位，但系都几有咬口唔会食到黐牙。最后饮埋佢个鲨鱼汤，可能加两蚊，个碗Double碗饮落去几鲜甜出咗门口行咗几个街口都唔觉口干，应该系真材实料嘅，不过就细换咗少少。有机会再食，要试埋佢啲煎饺同埋其他小食，最紧要系平日去，因为走嘅时候出边已经排咗五六个人。