影片
更多
2020-02-18
58 浏览
今日喺如心酒店开完会，睇睇个表都已经七点几，同事话呢间点一龙个煲仔饭相当出色，个个饥肠辘辘，就入嚟试吓。红油炒手，炒手风味正宗，饱满得嚟个皮又好薄，红油微辣而带点甜，系上海嘅正宗好风味。黑蟹子小笼包，小笼包上面有一小撮黑蟹子，个卖相即刻高级好多，一口咬开，小笼包里面嘅汤汁倾刻爆发，包嘅内馅用上咗上等嘅新鲜猪肉，再加上黑蟹籽嘅咸鲜味，既保持咗传统，又带有少少fusion嘅意味。酱皇蒸凤爪，越基本嘅嘢就越考厨师嘅功架，呢度嘅凤爪蒸得腍身入味，普通得嚟非常高分。海虾脆春卷，春卷炸得十分香脆，里面系大大只嘅鲜虾，爽口弹牙，点一点喼汁更能刺激味蕾。明炉烧鸭(例牌)，烧鸭皮脆肉嫩，例牌略嫌有啲唔够喉，四个人嘅话可以嗌半只。鸳鸯肠蛋黄煲仔饭，煲仔饭作为呢度嘅招牌菜果然无令到我失望，煲仔饭上面铺满腊肠同埋润肠，打开个盖淋上甜豉油，冒升起嘅腊味味配埋咋咋声嘅音效惹人垂涎，煲底有脆卜卜嘅饭焦，饭焦索哂甜豉油嘅味道，绝对需要除罩相认。斑兰榄仁马拉糕，呢度嘅马拉糕竟然有加入班兰同埋揽仁，相当特别，由于加入咗班兰嘅关系，马拉糕带有天然嘅浅绿色，入口散发淡淡嘅班兰清香，入口微甜，系我最喜爱嘅甜度。
今日喺如心酒店开完会，睇睇个表都已经七点几，同事话呢间点一龙个煲仔饭相当出色，个个饥肠辘辘，就入嚟试吓。
红油炒手，炒手风味正宗，饱满得嚟个皮又好薄，红油微辣而带点甜，系上海嘅正宗好风味。
黑蟹子小笼包，小笼包上面有一小撮黑蟹子，个卖相即刻高级好多，一口咬开，小笼包里面嘅汤汁倾刻爆发，包嘅内馅用上咗上等嘅新鲜猪肉，再加上黑蟹籽嘅咸鲜味，既保持咗传统，又带有少少fusion嘅意味。
酱皇蒸凤爪，越基本嘅嘢就越考厨师嘅功架，呢度嘅凤爪蒸得腍身入味，普通得嚟非常高分。
海虾脆春卷，春卷炸得十分香脆，里面系大大只嘅鲜虾，爽口弹牙，点一点喼汁更能刺激味蕾。
明炉烧鸭(例牌)，烧鸭皮脆肉嫩，例牌略嫌有啲唔够喉，四个人嘅话可以嗌半只。
鸳鸯肠蛋黄煲仔饭，煲仔饭作为呢度嘅招牌菜果然无令到我失望，煲仔饭上面铺满腊肠同埋润肠，打开个盖淋上甜豉油，冒升起嘅腊味味配埋咋咋声嘅音效惹人垂涎，煲底有脆卜卜嘅饭焦，饭焦索哂甜豉油嘅味道，绝对需要除罩相认。
斑兰榄仁马拉糕，呢度嘅马拉糕竟然有加入班兰同埋揽仁，相当特别，由于加入咗班兰嘅关系，马拉糕带有天然嘅浅绿色，入口散发淡淡嘅班兰清香，入口微甜，系我最喜爱嘅甜度。
张贴
