昇平粉麵餐廳

营业中

休息中

今日天气凉咗想食啲汤粉，成个龙门居同富健剩返呢一间面档有开，城仔记一早收铺。岩岩叫咗碗牛腩牛肺河粉，牛腩同牛肺数量都各有约五件，卖相同份量几好。牛腩同河粉正正常常，但系牛肺就咬极都咬唔烂，质感好似香口胶一样，最后我夹晒出嚟摆喺枱冇食到。埋单𠮶阵，我一路喺银包拎钱一路对收钱阿姐讲「唔好意思多口讲声，啲牛肺好似香口胶咁」，不过我真系O晒嘴，因为佢竟然一句都冇回应，一个「哦」字都无。唔讲唔知仲以为我自己讲紧英文佢听唔明，服务态度「良好」👍🏻BTW可能佢尽管见到我夹晒啲肺出黎系枱都觉得我出声系想R折头挂～见佢咁好服务，我都冇出声，找完钱就行走，心谂唔会有下次。相我就冇影，但如果大家出门好奇心用四五十蚊试下香口胶牛肺，人一世物一世可以一试。