影片
更多
2015-04-29
17557 浏览
早前同一众同事去到帝苑酒店嘅雅苑座食公司周年饭，未算得上尽兴，始终对一个收$608+10%（星期五晚价，8折后实价$550）嘅自助晚餐喺有一定嘅期望。相隔无耐，又再次嚟叹自助餐，与一众朋友嚟到朗廷酒店翻新兼改咗名嘅The Food Gallery，收$548+10%（闲日价，75折后实价$465），究竟会喺尽兴嘅一餐，抑或会未尽人意呢？一入门口就放满各式各样嘅甜品跟你打招呼，琳瑯满目，精致亮丽，尤其喺啱啱做紧一个高跟鞋嘅杯子蛋糕系列，虽然小弟对杯子蛋糕欠缺一份热情，不过，睇到咁多制作咁精细，又咁有心思嘅蛋糕，心里都不期然有啲雀跃。据侍应讲，会做到五月尾，五月中又喺母亲节，请妈咪食个大餐兼送佢一对「高跟鞋」逗佢开心啦，个主意OK吗？再走入，左边喺食物区，右边喺用餐区，地方够集中，一眼睇晒，唔算好大，但环境都阔落，气氛闲适。当晚所见，都见唔少一大家族人嚟庆祝，一列长枱7、8人几咁高兴。而墙上挂上唔少画作，大概喺想要贯彻店名之意。食物区，概括而言，由沙律吧、冻海鲜、生蚝、刺身、寿司、冷盘、面包、芝士盘、餐汤、煎鸭肝、热盘、烤肉、咖喱、蒸鱼、粉面、烧味、甜品……等等，种类算应有尽有。饮品包一杯
一入门口就放满各式各样嘅甜品跟你打招呼，琳瑯满目，精致亮丽，尤其喺啱啱做紧一个高跟鞋嘅杯子蛋糕系列，虽然小弟对杯子蛋糕欠缺一份热情，不过，睇到咁多制作咁精细，又咁有心思嘅蛋糕，心里都不期然有啲雀跃。据侍应讲，会做到五月尾，五月中又喺母亲节，请妈咪食个大餐兼送佢一对「高跟鞋」逗佢开心啦，个主意OK吗？
再走入，左边喺食物区，右边喺用餐区，地方够集中，一眼睇晒，唔算好大，但环境都阔落，气氛闲适。当晚所见，都见唔少一大家族人嚟庆祝，一列长枱7、8人几咁高兴。而墙上挂上唔少画作，大概喺想要贯彻店名之意。
食物区，概括而言，由沙律吧、冻海鲜、生蚝、刺身、寿司、冷盘、面包、芝士盘、餐汤、煎鸭肝、热盘、烤肉、咖喱、蒸鱼、粉面、烧味、甜品……等等，种类算应有尽有。
饮品包一杯餐饮，冷热都可，不过，你都可以拣一啲饮品套餐，如2.5小时任饮汽水、果汁，又或一渣过嘅Virgin Sangria。
沙律吧晌食物区中央有个圆形嘅沙律吧，都几突出，多款沙律菜，沙律配料，酱汁，以及几款预制好沙律，虽然种类、款式唔算好多，但补充速度快，经常路过都放满各样材料，睇落新鲜。
此外，晌沙律吧外围，又放有少少冷盘小食，的的骰骰，可能会有意外惊喜。
小弟都喺惯性一大碟沙律行先，觉得好有助消化，沙律菜呀、少少配料、几款预制沙律，加埋心水嘅油醋汁，吃罢让人感觉清爽开胃。
沙律
91 浏览
0 赞好
0 留言
一向都钟意饮汤，无论中汤、西汤都喜欢，是晚中汤喺霸王花冬瓜蜜枣煲唐排，而西汤喺野米羊肉鲜茄汤，由于西汤较特色，所以，滔一小碗配斑兰包；不过，唔代表唔饮中汤，因为另有炖汤供应，椰子雪耳煲鸡，喺咪更加要试呢！
野米羊肉鲜茄汤，汤内有唔少野米粒同羊肉粒，口感有趣，膻味唔重，适合大部分人，而鲜茄汤个底本身好浓郁，蕃茄味突出，酸香醒胃。
野米羊肉鲜茄汤
98 浏览
0 赞好
0 留言
椰子雪耳煲鸡
128 浏览
0 赞好
0 留言
一想到自助餐嘅回本菜式，就喺冻海鲜及生蚝。海鲜吧摆放各式各样海鲜，非常吸引，有纽西兰青口、瑞典小龙虾、太平洋冻虾、加拿大石蟹、冰岛翡翠螺、波士顿龙虾钳、阿拉斯卡蟹脚、澳洲琵琶虾及波士顿龙虾，再加上美国及纽西兰两款生蚝，咁嘅阵容，绝对满足到喜欢食冻海鲜嘅人。
另备有3款酱汁：红酒醋汁、辣根咯嗲汁及俄罗斯白兰地汁，当然，柠檬角就唔少得，虽然配搭有所谓一定法则，不过，食自助餐又何需拘束呢。
小弟就尽地一铺，一碟过要齐晒咁多款，一件不漏，样样都鲜甜好食，最得我欢心就梗喺生蚝、虾钳、蟹脚、琵琶虾及波士顿龙虾几款啦，大啖大啖嘅龙虾肉，不知食得几爽，沾少少红酒醋汁，海鲜入口就更鲜味。若非有更多嘢想试，真喺想嚟多碟「海鲜拼盘」呀！
海鲜拼盘
190 浏览
1 赞好
0 留言
我都喜欢食刺身、寿司，不过，去到自助餐，就好少会食，一来食咗唔少冻海鲜，况且，一向自助餐嘅刺身不外乎𠮶三几样，所以，相比之下食刺身嘅意欲细咗；而寿司唔使多讲啦，较易饱肚，除非超正啫。故此，影张相留个记录，知道有咩款式俾大家参考吓。
即叫即蒸鱼鲜饮完冻嘅海鲜，就转一转食点热嘅鱼鲜，平时自助餐嘅蒸鱼都会试少少，但只喺随意咁试丁点，不过，如果喜欢食鱼嘅朋友晌度就真喺完全唔可以错过，因为，就晌面档隔离，就有新鲜蒸鱼，喺「独立」为你而蒸，「鱼档」有红鲔、鲈鱼、乌头，拣头又得，尾又得，腩位都可以，以姜葱蒸好再直送到你枱上。
唔讲咁多，蒸碟红鲔鱼尾加少少腩位试试，淋上豉油，洒点芫茜，鱼嘅鲜同嫩真喺「扁鼻佬戴眼镜」- 无得顶呀，肥美滋味。
清蒸碟红鲔鱼
209 浏览
0 赞好
0 留言
顺带一提，粉面档前仲有中式冷盘、烧味及少少热荤。粉面档嘅主材料都只喺有墨鱼丸、牛丸、鲜虾云吞及贡丸，但反而汤底有啲吸引度，有新鲜龙虾汤、越式牛肉汤、香浓鸡汤、新加坡喇沙汤及四川麻辣汤，不过，眼见就唔喺样样都有，晌黑板剔住先有提供，是晚就见有3款。
煎鸭肝、西式冷盘、芝士拼盘煎鸭肝引嚟一室香气，所以成日吸引到啲食客排队等鸭肝，放心，见到佢两大盘鸭肝不停煎，源源供应；
此外，同区仲有西式冷盘，如黑椒牛肉、巴马火腿、西班牙辣香肠，肝酱批、烟三文鱼……等等，面包、牛油蛋糕、芝士拼盘，几样嘢都非常吸引。
煎鸭肝伴一小件烘多士，入口实在油香丰腴，而冷盘嘅自家制肝酱批伴鲜果，肝酱好绵滑，微酸嘅果冻味道好清新，芝士拼盘嘅4款芝士Brie Cheese、Edam、Blue Cheese、Manchego，各试少少，各有唔同口感及味道，夹杂果干同食，喺几有趣嘅体验。
煎鸭肝、西式冷盘、芝士拼盘
92 浏览
0 赞好
0 留言
见朋友切咗件西冷牛扒，仲话好正，搞到我都心痒痒，所以，我都揾师傅要一碟，再搭件烤羊扒；伴菜有玉桂蜜饯南瓜及香烧薯角，反而估唔到酱汁有咁多选择：牛油汁、烧烤汁、日式烧烤汁、烧汁同黑椒汁。
件西冷扒又真喺烧得几香，中心部份嫩红兼带些微血汁，好有肉味，淋啲烧汁，沾些芥辣，唔错；羊扒肉质仲细嫩，唔太膻，当然小弟食得羊就想佢膻啲啦。伴菜嘅玉桂蜜饯南瓜好好味，既香又带点蜜甜，加配多少少烤蔬果，食肉得嚟都感觉平衡啲嘛。
烤肉
99 浏览
0 赞好
0 留言
烤肉
106 浏览
0 赞好
0 留言
今日状态似乎差咗啲啲，食到依度都见八乘几饱，所以，其他热盘就无再食，不过，补少少相俾有兴趣嚟食自助餐嘅朋友参考吓。今晚所见，菜式补充都算几快，次次少量制作，增加新鲜度。
咖喱热盘嘅一角落，仲有咖喱菜式，如咖喱鸡、咖喱鸭、咖喱杂蔬、印度烤饼……等等，虽然无试，但打开盖都闻到阵阵香味，试过咖喱嘅朋友都话水准不赖。
甜品除咗前文讲过有琳瑯满目嘅「高跟鞋」杯子蛋糕外，其他甜品种类包括：曲奇、蓝莓芝士蛋糕、柠檬挞、芒果蛋糕、朱古力布朗尼、芝士布甸、芒果布甸、小杯装嘅啫喱、慕丝、意式奶冻，后面仲有朱古力喷泉，以及4款Movenpick雪糕（枫糖合桃、咖啡、榛子、焦糖），几款味道都喺小弟「飞弗」嚟。而新鲜生果亦放晌依处，净食当然无问题，晌朱古力喷泉蘸点朱古力浆亦都好味。
一碟甜品拼盘加一「碗」Movenpick什锦雪糕，再衬以一杯鲜奶咖啡，未必叫做完美嘅作结，但一定叫人满足。慕丝及奶冻做得有水准，前者软滑绵绵，后者挺身柔滑，而芒果蛋糕、布朗尼都不俗，最欣赏喺件柠檬挞，柠檬味清新爽朗，酸香细致。
甜品拼盘
82 浏览
0 赞好
0 留言
Movenpick雪糕
151 浏览
1 赞好
0 留言
鲜奶咖啡
124 浏览
1 赞好
0 留言
张贴
