影片
更多
2020-05-16
1862 浏览
话说有几个朋友都问过我，呢间喺我屋企附近嘅神川日本料理得唔得，因为佢哋上网见到话餐厅可以做平民Omakase，几百蚊都有交易，丰俭由人。于是呢晚自己一于去试吓当dinner。餐厅环境非常细，我九点先去到，老板同人吹紧水，我以为已经打烊唔做生意。原来唔系，佢即刻好热情招呼我，之后下删3000字就系关于佢讲可以做Omakase啲嘢。食物价钱中中等等啦，唔太平但又唔太贵。焦糖玉子烧，价钱偏贵，因为份量唔多，而且成本好平，连明太子或者蟹肉都冇就收呢个价钱。不过系几特别嘅，至少我冇喺其他地方见过，如果我冇记错佢话概念源自Creme Brûlée。味道系成晚最好味。软壳蟹牛油果沙律，呢个就唔多掂，软壳蟹沙律嘅精华所在就梗系软壳蟹啦，但啲软壳蟹劲碎湿湿，又冇肉，层天妇罗皮就多。如果唔系我自己点菜，我唔会食得出系软壳蟹啰。呢个真系唔推介。海胆辣三文鱼TATA饭，UM，首先呢个饭份量都几少，而且寿司饭比较笠身。辣三文鱼辣味就几够嘅，但出事系啲海胆，因为腥嘅，吞落口简直要塞住个鼻先呑得落，需要勇气。所以当试过佢嘅海胆之后，我就知道如果要来呢度食厨师发板，绝对系嘥鬼气，如果只系想比几百蚊食嘅话，不如去返啲正
焦糖玉子烧，价钱偏贵，因为份量唔多，而且成本好平，连明太子或者蟹肉都冇就收呢个价钱。不过系几特别嘅，至少我冇喺其他地方见过，如果我冇记错佢话概念源自Creme Brûlée。味道系成晚最好味。
软壳蟹牛油果沙律，呢个就唔多掂，软壳蟹沙律嘅精华所在就梗系软壳蟹啦，但啲软壳蟹劲碎湿湿，又冇肉，层天妇罗皮就多。如果唔系我自己点菜，我唔会食得出系软壳蟹啰。呢个真系唔推介。
海胆辣三文鱼TATA饭，UM，首先呢个饭份量都几少，而且寿司饭比较笠身。辣三文鱼辣味就几够嘅，但出事系啲海胆，因为腥嘅，吞落口简直要塞住个鼻先呑得落，需要勇气。所以当试过佢嘅海胆之后，我就知道如果要来呢度食厨师发板，绝对系嘥鬼气，如果只系想比几百蚊食嘅话，不如去返啲正宗啲嘅食午市厨师发板好过啦。既使老板系用心经营小店，但咁嘅质素收人几旧水做Omakase，真系不敢恭维。
张贴
