凡高廚房

营业中

休息中

同朋友好钟意黎呢度食lunch，因为坐得舒服，冇时间压力，气氛轻松写意，所以我哋成日黎同储咗d vouchers。就算冇voucher，lunch set已送上餐包 再+$10都已经可以有沙律前菜同汤，所以好抵食。坐底见到我前面嘅枱尘系STARRY NIGHT OVER THE RHONE，好开心，因为凡高d画，我最钟意STARRY NIGHT系列。两个人叫咗两个set，一个美国安格斯牛肉汉堡，肉质柔软，好厚身，好juicy；另一个顶级西冷加沙律配柚子汁，因我唔食洋葱，职员好好，沙律帮我走洋葱，d沙律份量好多，有益健康；块西冷煮得啱啱好，肉味浓，油脂分布平均，又不失咬口， 唔洗蘸任何酱汁都好好食。之后仲有甜品同餐茶，所以真系抵食，又有质素；如果你同我一样钟意睇画，你都会钟意呢度嘅浪漫艺术气氛。