影片
港铁铜锣湾站 C 出口, 步行约2分钟
继续阅读
电话号码
35281333
96037071
开饭介绍
以梵高名画『夜间咖啡店』为主题，一边欣赏名画，一边品尝美酒及享受度身订造的意大利菜肴。
继续阅读
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
相关文章
大前日（24-9-2024 Tue）正日生日請假，老公之前決定嚟食呢間，因為有蛋糕畫板俾老公畫，咁就book呢間嘅lunch。由於天雨影響路面交通關係，所以我哋遲咗，我有啲擔心，於是比book枱時間遲5分鐘左右，就打電話話我哋嚟𡁵，仍會留枱嗎？店員答會，慢慢。最後我哋遲咗約15分鐘至到。上到嚟，𨋢門口都已經好有藝術氣息，重養咗兩隻鸚鵡喺喥。入到去，佢哋按我嘅要求，安排咗窗邊枱俾我哋，坐低後，店員即介紹今日有兩個湯，一個係雜菜湯，一個係佢哋嘅招牌野菌忌廉湯，同今日嘅鮮魚係比目魚。睇完menu，我哋都揀行政套餐，我要$248.00嘅招牌炭燒澳洲新鮮羊架配羊肉濃汁。老公要$228.00嘅是日鮮魚，湯我哋就要晒兩種湯。落完單，首先係是日頭盤～凱撒沙律，我好耐冇食lu，蔬菜都幾大件，芝士落得啱啱好唔會太膩，不過受潮嘅煙肉碎有啲韌。3分然後餐包同餐湯到嚟，我先飲雜菜湯，見到有好多雜菜，味道酸少少但完全唔辣，啱我。3.5分招牌野菌忌廉湯呢？味道都幾濃，但有啲辣黑椒落得重手咗？3.5分而餐包係烘脆咗，本身都幾好食。5分等咗一段時間，medium嘅招牌炭燒澳洲新鮮羊架配羊肉濃汁到嚟，然後老公嘅比目魚都到。見到擺盤都幾豐盛，羊架燒得好香，肉質鬆軟，蘸埋羊肉濃汁更好味；而配菜都有驚喜，烤得唔錯；大大pat薯蓉幼滑，但味道又有啲唔同。4.5分比目魚就好似冇調味，但亦煎脆咗，蘸佢嘅醬汁食係唔錯。4.5分到甜品喇，端上嚟係法式焦糖燉蛋，脆焦糖甜係必然，而燉蛋好滑，唔錯。4分然後係餐飲，我要熱檸水，老幾公要咖啡。我嗰杯冇乜問題，老公嗰杯冇落奶嘅就唔知喇，因為佢冇講。然後，我哋order埋由$138.00到$158.00不等嘅凡高“畫布”蛋糕餐，揀$149.00嘅培茶蛋糕，由於我哋已有餐飲，店員主動話如果呢個唔要飲品，就減返飲品錢。好啊，唔該晒。又等咗一陣，件蛋糕，忌廉顏料同”畫具‘到嚟，佢初初畫小忌廉，但始終呢啲‘’顏料‘’較難控制，所以畫得唔好要重畫，改畫史廸仔，最後變咗halloween版。畫完就食得，切開睇，白忌廉唔太多，蛋糕夾咗兩層培茶，食落，就算唔多嘅白忌廉都好甜，培茶味淡香，但個心仍然好凍，可能因為要預長時間畫完畫至食，所以唔解咁耐凍拎出嚟。2分老公經過呢次畫畫經驗，我諗呢種畫都係適合畫風景。環境：冷氣有少少凍。價錢：最後佢喺“畫布”蛋糕餐喥，減咗$40.00，而全單九折後，埋單係$584.00。其他：喺openrice訂座可享全單九折優惠，但冇講明一定要用現金或payme埋單，呢點要留意。
继续阅读
🎨熊妹近排一得閒就會拉埋阿豬媽出去食好西，慰勞阿豬媽平日嘅辛勤。阿豬媽鍾意食西餐，熊妹之前同豬朋狗友去過《凡高廚房》食晚餐，環境精緻，食物味道高水準，決定帶阿豬媽今日一嚐午餐。📌《凡高廚房》喺銅鑼灣勝華樓經營咗18年，老字號屹立咗咁耐，可以話經歷住香港嘅時代變遷，食物味道有一定嘅水準先keep得住一堆捧場客。📌上到2樓入到餐廳，好似去左梵高畫廊咁，牆上掛滿了一幅幅梵高畫作🖼️，而餐廳的環境都根據畫作內容精心怖置。《夜間咖啡館》、《向日葵》、《星夜》等等都係梵高的著名畫作，中間擺放了《夜間咖啡館》的桌球枱，枱上有《向日葵》的向日葵花，各款畫作的餐枱墊，成間畫廊都色彩繽紛，五顏六色，食餐飯好似去咗藝術館咁，令人賞心悅目。餐包首先，店員會送來餐包及餐湯暖暖個胃。餐包係香草包🌿，有焗過，包邊有少少脆，香草味幾香，熊妹認為就咁食個包都夠香口，不用點湯食軟化了包的口感。野菌忌廉湯好足料喎，啖啖蘑菇碎打成的忌廉湯，味道好濃郁，質感好濃稠，夠哂雜菌味，餐湯黎講幾有水準。美國頂級西冷沙律配柚子醋沙律汁， $118話明阿豬媽黎想食牛，即刻點返個西冷牛扒沙律俾佢。嘩！粉嫩的西冷一啲血水都無，外表煎得夠熟，中間粉嫩軟淋，成件事有咬口得來又唔煙韌，入口好有牛味，午餐一份牛佷不錯！沙律菜🥗一大堆，撈上柚子黑醋酸酸開胃又健康！成件西冷沙律好岩減肥人士增肌去澱粉的概念！西班牙紅椒粉無皮雞肉串伴薯蓉，$88烤雞串係巨型版本，一串烤雞串有兩大件烤雞🐥、彩椒🫑、洋蔥🧅同蘑菇粒🍄🟫，件件份量好大粒，全部都烤焗過好香，有肉有菜，伴菜仲有粟米同薯蓉，五色蔬菜，營養價值豐富！兩大串串燒其實都幾夠份量，午餐夠飽肚。意式輕煎虎蝦牛肉粒意大利粉，$98阿豬媽話啲食物味道幾出色，想食埋個意粉。兩大隻煎烤蝦，阿豬媽讚口不絕，烤得好香口，又重海鮮味，蝦肉又彈牙，感受到用心白烹調，另外仲有幾粒粉嫩的牛肉粒，配料餸菜夠豐富。意粉嘅份量都好多係，煮嘅熟度係7分熟度好有咬口，唔係腍patpat，仲撈滿蒜蓉調味，簡單嘅煮法，但令人食完仲想食，廚師👩🍳的烹調技巧確有功架！甜品跟餐的甜品係意式奶凍，奶凍口感好幼滑，一啲都唔膠，牛奶味幾出🥛，味道唔會好甜，一杯仔飯後甜品幾滿足，估唔到甜品都做得咁出色！凍檸檬茶📌午餐套餐原來換了新menu，價錢為$88-$118，已包餐包、甜品及飲品，另加$18有野菌忌廉湯，俾以前抵食好多，今時今日好難揾到咁高質素又價值便宜的西餐廳了。希望《凡高廚房》可以繼續保持住老水準👍🏻。
继续阅读
呢間餐廳我已經收藏咗好耐，一直都好想去食，之前想book位，可惜佢哋啱啱撞到有客人包場，所以我同朋友要再改期!今次專程約朋友過嚟食lunch， 餐廳位於銅鑼灣，地點非常就腳!餐廳環境好有中世紀意大利嘅感覺，由餐具、餐桌佈置，餐廳每一個裝飾都一絲不苟，好有梵高藝術嘅感覺，而且色彩繽紛，令人好賞心悅目!我同朋友叫咗兩個set lunch:⭐Executive Set Lunch Appetizer $248- 98%野菌忌廉湯 - Salad- Main Course 招牌炭燒澳洲新鮮羊架配羊肉濃汁 三大舊份量十足嘅羊架，而且肉質Juicy又入味，就算唔點醬汁都超好食，配上大量薯蓉同蔬菜。⭐Chicken Skwers $88- 可以加$18轉野菌忌廉湯- 餐包甜品同飲品- 兩大串雞肉串燒，中間配搭咗蔬菜，夠曬彩繽紛!無論羊肉同雞肉，都非常入味，大份量嘅薯蓉，配上超新鮮又甜嘅蔬菜，裝原來除咗環境靚之外，食物質素都相當有驚喜，係絕對可以推介比朋友嘅餐廳!💕
继续阅读
這間西餐廳位於銅鑼灣的勝華樓，鄰近時代廣場，主打精緻的多國料理。店內環境寬敞舒適，以梵高名畫「夜間咖啡店」為裝潢主題，掛滿色彩繽紛的油畫，設有鞦韆及壁畫牆等打卡裝置，如置身於異國小店，適合約會或多人聚會。午市時段設有多款Lunch Special及行政套餐供選擇。行政套餐 - $258是日頭盤新鮮翠綠的凱撒沙律，伴以濃稠的沙律醬之餘，又撒滿了鹹香的巴馬臣芝士，香脆的煙肉增添油香，而麵包糠則增添口感。98%野菌忌廉湯濃稠的忌廉湯幼滑細膩，有一粒粒野菌的順滑感，菌香味自然。炭燒美國安格斯西冷牛扒伴乾菌及法國黃菌大大塊西冷牛扒外部燒得略帶焦香，有微微的炭烤香氣，切開內部保持著粉嫩及豐富的肉汁，邊沿的嫩筋帶點香脆，牛味好濃郁；金黃酥脆的粗薯條毫不油膩，有綿密的質感，還有沙律菜及焗蔬菜平衡膩感。法式焦糖燉蛋絲滑細膩的燉蛋充滿濃厚的蛋香和奶香，有一層香脆的焦糖，新鮮水果粒平衡膩感。Lunch Special - $108是日餐湯紅通通的羅宋湯酸酸甜甜而不辛口，由多種蔬菜熬煮而成，口感好輕怡。松露意大利飯粒粒飽滿的意大利飯吸飽幼滑的忌廉芝士汁，散發著陣陣松露的飄香，有少少爽滑的野菌、洋蔥及蒜頭等配料。意式奶凍香滑柔嫩的奶凍帶陣陣淡雅的牛奶甜味，微酸的新鮮水果平衡膩感。熱咖啡 & 熱檸檬茶餐湯跟配基本的咖啡或茶，糖及牛奶另上。
继续阅读
*不是試食活動呢間餐廳音樂好柔和，藝術感重，喺度食一個午餐，覺得消閑又舒壓💯眼睛耳朵都在休息🧘🏻♀️ 招牌炭燒澳洲新鮮羊架 配 羊肉濃汁 $248Grilled Australian Lamb Rack w/. Lamb Gravy羊架好驚喜，juicy之餘肉質嫩滑，仲配埋薯條粟米，令到成件事10分滿足🫶🏻 意式虎蝦蒜片意大利粉 $98PASTA ALIO OLIO TO WITH TIGER KING PRAWN意粉炒得好香夠惹味，炒得又夠乾身，兩隻蝦都好新鮮，性價比極高😙記得加埋沙律同埋餐個麵包都唔可以放過！超級新鮮足料同香脆🫶🏻🫶🏻🫶🏻📍凡高廚房 (銅鑼灣)銅鑼灣軒尼詩道451-457號勝華樓2樓B室
继续阅读