宮保 (已結業)

如果你喜欢巨宫保一定满足到你，限定的活龙虾巨大叻沙保证够巨够吸引。主打新加坡菜，另一个卖点系砂锅，最地道的风味。活龙虾巨大叻沙(限定优惠，2人份量，每日限量10碗) $468虽然话二人份量，但最少都系四人份量。碗可以用巨大嚟形容，浓香汤头。亦唔系净系得汤粉，龙虾一样劲大只又啖啖肉，仲有虾，鱿鱼，青口及其他配料，影相呃like一流。砂煲宫保-新鲜田鸡6只 $268秘制砂煲粥 $48呢度既招牌一定系砂煲粥，因为专程系新加坡请师傅炮制，粥既软绵程度真系一流，香港唔系好多地方可以食到咁高质既粥。配上砂煲宫保田鸡，将宫保田鸡放到粥里面，辣辣地，惹味非常，新鲜田鸡肉质够晒弹牙，这个组合非试不可。虾米肉碎自家制豆腐 $58自家制豆腐卖相并不起眼，但入口满有惊喜，佢入口即溶的感觉实在令人难忘，朋友们一致赞好。蜜饯桂花苏东油条 $58感觉有d似食虾多士，一样脆口，但有蜜饯桂花香甜得多。班兰雪芳蛋糕(3件) 班兰味道有层次。话梅柠檬梳打 $30酸酸地又有气，开胃又解辣。