常溫

营业中

休息中

入到去，发觉呢间「常温」唔系面包舖，系主打蛋糕、曲奇。晨早流流先食咗个「抹茶麻薯卷蛋」同「荷兰挞」，抹茶卷蛋入面嘅忌廉唔腻唔黐喉，粒麻薯冇硬弸弸仲烟靭得嚟可拉丝。荷兰挞卖相好简单，谂住普通料，意外地鸡蛋味几浓，实蛋糕质地入面伴随少许类似蛋达又似慕丝质感，饼面有少少脆底，口感算几有层次。打算将「香橙杏仁牛油蛋糕」分开一半，一捏就碎，橙皮杏仁片少量，自己不太喜欢松散质感。比较喜欢个质地系长形啲𠮶款蛋白蛋糕（忘了名字，见3件蛋糕的图、最底下𠮶款），比较松软似啲古早蛋糕。总括佢啲蛋糕类都系少甜，似乎健康啲，不过价钱就相对拉高啲。