常溫

营业中

休息中

我好鐘意食拿破侖貪佢又香又脆 根本抗拒唔到😳我自己都整過 真心幾麻煩🤣整就整半日 食就食幾分鐘今次再訪@sowarmhk 依然保持到質素👍🏻！！😆堅持每日人手製造提供原個蛋糕 件裝蛋糕 曲奇 卷蛋等如果要訂購必須提前兩天⍥ 古法拿破侖（長）20x8cm ❙ $218 + $20（切餅費）有長短兩個size 長既大約切到八件古法拿破侖足足有九層酥皮夾著蛋糕 蛋白餅 合桃碎及牛油忌廉咬落「咔嚓」有聲 香脆松化又帶點煙韌😌有牛油香同時亦有濃濃既焦糖香氣甜度適中 真系齒頰留香🫶🏻🤔只系服務認真一般而且包裝盒又偏細 其中一兩件拿破侖要疊上一層ok⋯⋯肉酸🫣

提起新蒲崗嘅出名既糕點舖頭，唔少得常溫🫢 🌟拿破崙：見大家嚟到都係試拿破崙，買咗一個支持吓，拿破崙整體都係脆口，甜度冇想像中甜，味道較清淡，我覺得值得試一吓，但係$29下次未必回購，反而會想試吓其他款甜點多啲。🌟荷蘭撻：從來未食過荷蘭撻，撻上面係蛋糕，蛋糕同撻融為一體質感相若，蛋糕中間有個窿係由忌廉填滿，然後少少黃梅醬喺底，再用蛋糕放番在窿面頭，蛋糕上面再有少少黃梅醬。個人好鍾意食撻，呢個撻嘅質感唔係脆身，反而有啲似蛋糕鬆鬆地，如果下次口痕想食撻都會再回購😙試咗以上兩個甜點，整體都係唔會太甜，怕甜點膩既人即管可以買常溫既甜品試試，對我嚟講就不過不失，沒有想像中咁驚艷，但經過開都會買嚟支持吓✨

不要對常温的拿破崙期望過高，它並非小時候食到嘅嗰種味道。除了 … 朱古力拿破崙卷蛋，朱古力雲石戚風蛋糕，咖啡合桃磅蛋糕 …可以試下之外，其它蛋糕 真係麻麻哋，唔試都唔會覺得可惜。

好耐之前已經聽過位於新蒲崗嘅呢間烘焙小店，最出名嘅就係佢哋嘅9層嘅古法拿破崙，朋友仲試過特登買成條返去台灣做手信添，朋友仲話其他蛋糕都好好味！今次終於來到新蒲崗呢頭，終於有機會一試～香芋麻糬卷蛋(1件)💰HK$40蛋糕體做得好好，夠濕潤而且口感彈牙！香芋忌廉唔會太甜，啖啖都充滿芋香，而且口感幼滑，中間麻糬夠軟糯！好好味，下次要買成條返屋企～古法拿破崙(1件)💰HK$29層次分明，酥皮口感酥脆又充滿牛油味，中間層忌廉輕而不膩，蛋白餅煙煙韌韌，整體口感豐富，美中不足係甜度略嫌高咗少少～總結，除咗古法拿破崙之外，卷蛋都一樣咁好味，推薦可以試埋呢到嘅精緻甜品～

常温🥐係一間烘焙店，而店舖人氣王必定係港式古法拿破崙，由9層酥皮制成，有3層手搓酥皮+2層合桃蛋白餅+4層手工忌廉， 做工比起西式做法較為複雜，而家真係買少見少。🍑古法拿坡崙佢地拿坡崙總共有9層，每一層層次都好分明，手搓酥皮放咗一日先食都好酥脆。最底層酥皮好香，焦糖味好重。而中間手工忌廉好輕，面有合桃+蛋白餅，味道吾會好甜，幾好食Welcome follow ig :Apeach_likefood

港式嘅拿破崙係由香脆嘅酥皮、牛油忌廉，仲有合桃蛋白餅組成嘅，冇吉士醬同水果，同法式日式嘅拿破崙唔一樣。依間常溫我已經食左3年，因為佢地嘅古法拿破崙真係幾好食，而且味道傳統！佢酥皮鬆脆，帶有牛油香味，另外合桃蛋白餅同牛油忌廉嘅味道都好夾！（拿破崙可以一塊一塊咁買，亦都可以成條咁買，建議大家提早 1-2 日 WhatsApp 佢地訂購！）食過佢地嘅其他小蛋糕同甜品，但都係鍾情於佢地嘅古法拿破崙，每次去新蒲崗都會買！

喜歡吃這裏的「招牌手工製古法拿破崙蛋糕」，酥脆香滑富牛油香，更含粒粒合桃果仁，口感豐富，用料十足；製作繁複，一件足有9層厚，而且每日新鮮製作，真是一試難忘！😍如放在室溫可保持幾日，還鬆脆如新；如放在雪櫃，更可存放大概一個星期。食用時配杯手沖咖啡，更是一流！😋據報稱農曆新年前將會結業，有買趁手！因購買人數眾多，最好預先訂購。#古法拿破崙分為件裝（$29）#半條裝（$138）#原條裝（$218）#常溫地址: 新蒲崗大有街33A號佳力工業大廈地舖電話: 93257882

唔小人推介新蒲崗呢間小店既拿破崙係招牌名物，食過既人都大推，之前上網有見到過飲食頻道既影片，同埋有訪問過男店主師傅，覺得佢地都幾用心去整自己既產品，咁我就抱住試吓係未真係咁好食既心態黎試，因為之前有一次經過入去呢間小店，店舖係充斥著岩岩烘焙完出爐好香既味道，產品種類唔算太多，我去個日咁岩拿破崙已經賣晒，有一位微胖長直髮既女士建議我可以訂貨之後黎攞，咁都好啦，如是者就訂一條過幾日拎，因為拿破崙有唔同嘅尺寸選擇，我就問坐收銀比較年輕既女店員有咩尺寸，感覺到佢完全唔helpful又目無表情，一副唔想講野既面色，無話主動話比客人知尺寸同價錢，連個貨既樣辦大細長度都要我問佢佢先死死地氣係後面hold左比客既貨架到拎起比我睇，先唔評論價錢係未太過進取，但我覺得呢個食物質素同味道又未至於去到留有好深刻印象，其實小店黎講做既係人情味，無人情味既小店我不如光顧返大集團好過，大集團都仲起碼有姐姐機械式既招呼，至小唔會西面先，如果你係M底既客人可以入去幫襯感受一下，至於店舖既名字叫常溫，我就真係感覺唔到有一絲既溫暖喇，叫常冷比較貼切店員的服務態度同面口

前幾日睇社交平台見推介呢間古法拿破崙，話整餅師傅年紀大，應該明年1月左右唔會再製作出售。由於從未試過招牌古法拿破崙，諗住襯weekday過嚟SPK食lunch時想買一件，但1點半左右已好多人排隊買，有啲人誇張到一口氣買4至6件，未排到自己已經賣哂，估唔到平日lunch hour都買唔到。店舖職員話可以預訂，於是俾咗29蚊預留咗1件響2023年12月24日下午2點取貨。今日取貨嗰陣唔洗等，俾飛仔已即時取貨，拎完就行咗附近企埋一邊響條街食，拿破崙食落係好鬆脆，每層都有適量忌廉，對我嚟講有少少甜，但未算過甜，合桃粒份量較少，無想像中好食，可能本身社交平台過份吹捧，令人有太大期望，但食落其實好一般，唔會難食，又唔係十分好味，試一次夠了。

位於新蒲崗嘅常溫，一直以嚟都係以拿破崙聞名，甚至被評為區內名物😯我平時完全唔會買呢款甜品食，一於就睇下佢可唔可以驚艷到我😎除咗有一件件散裝($29)，仲可以原個蛋糕咁買🎂咬落去真係好酥脆，但唔會自己斷開晒，食落所有嘢好似融為一體，好快就吞咗落肚，唔會黐牙或者漿住過口👍🏻平時食西餅最怕唔夠忌廉會好乾，但呢件拿破崙完全冇呢個問題，不過冇試過其他餅店嘅出品所以好難做比較，但至少我食完會覺得幾滿足、又唔heavy😆喺店主嘅熱烈推薦下，我仲買咗個黑糖果仁撻($32)，佢話某啲果仁買返嚟都要成千蚊斤，所以係真材實料🙈我自己平時都會食碧根果仁，所以對於呢個甜品都有些少要求😛由於表面淋咗啲糖漿，反而令到果仁冇咗嗰種脆脆哋嘅口感，亦都蓋過咗佢本身焗完會有嘅香味，不過唔用糖漿又的確好難啲佢哋黐埋🤔至於批底我就略嫌太厚，同果仁嘅比例有啲不均，拿破崙真係出錯太多🤣

位於新蒲崗大有街33A號佳力工業大廈地舖的常溫麵包西餅（So Warm），主打相當精緻的蛋糕和甜點。餅店附近有不少工廠大廈，附近上班的打工仔也會買一件小甜點作下午茶。。除了凍餅，每件小甜點都是獨立包裝，相當貼心。工作期間吃一口蛋糕，幸福感滿滿，高興得快要在辦公室起舞。常溫小甜點也適合作散水餅。。📌古法拿破崙 - $29Classic Napoleon拿破崙是餅店的招牌甜點，酥皮、蛋白餅和忌廉層層相間，層次相當豐富。首先會嚐到牛油味相當香濃的脆脆酥皮，接著便會吃到煙煙韌韌的蛋白餅。每層酥皮和蛋白餅之間塗上了適量的牛油忌廉。。三款配料的味道完美地融合，令人滿足。筆者喜愛和另一位同事二人分享一件拿破崙。。📌紅桑子慕絲開心果 - $42Raspberry Mousse with Pistachio Custard凍餅的賣相十分精緻，仿如一件閃爍奪目的藝術品。。將凍餅切開，凍餅的結構一目了然。最外層是醒神、果香濃郁嘅紅桑子慕絲，中層為開心果奶凍（Custard）。入面還配放了幾粒小脆圓餅，令口感更豐富。。📌香芋麻薯卷蛋 - 每件 $42 / 每條 $168 Yam Mochi Roll Cake

新蒲崗真係好多好嘢食，啲間拿破崙啲人話係全香港最好食？要試一試啦🍴古法拿破崙 $29 (8/10)拿破崙食落去好酥化，非常香濃牛油味，做到千層效果，但又唔油膩，入邊嘅忌廉同埋果仁都好香口，又有口感，份量恰到好處，一件份量去啱啱好，食多件會好膩，好好食。推薦指數: 8/10雖然價錢係有啲貴，不過真材實料係用靚料，鍾意食拿破崙嘅一定要試！

📍新蒲崗要試拿破崙n卷蛋今星期繼續無限打大佬 無得關會閉偽冷靜偽認真mode除左平日的甜品 竟然會r朱古力食七月可能會繼續用糖分洗澡🛁試了⬇️👉🏻古法拿破崙($29)🤎聽講是有9層～（圖1-3➡️）又鬆脆又煙韌因為有合桃碎鳥結糖有鳥結糖比較深刻脆口微甜／層次豐富/可以一試2人分享啱啱好🙌🏻👉🏻石板街朱古力卷蛋（圖4-6 ➡️）蛋糕鬆軟不太dry卷蛋內的cream竟然仲有內涵係包住同拿破崙相同之酥皮&合桃配搭特別想encore包裝盒貼心設計有叉🍴📌去開新蒲崗可以一試～

最近衝著拿破崙而跑到新蒲崗為嘅就係試一試，以古法拿破崙而打響名堂嘅常溫除左如其名，係一間有溫度嘅小店外，對甜點亦有一種態度所有甜點都全人手工製作，而且無添加物難怪一直受人追捧ꔐ古法拿破崙港式嘅拿破崙，係由各三層嘅酥皮、合桃蛋白餅同牛油忌廉組成層次分明細膩，而且非常功整，係心機同誠意嘅化身口感好豐富，而且帶牛油香ꔐ開心果紅桑子慕絲賣相十分精緻嘅甜點無諗過開心果味同紅桑子味係咁夾兩者味道唔會被對方掩蓋，開心果味濃郁而紅桑子酸酸甜甜ꔐ伯爵茶冧酒卷蛋同樣非常吸引嘅卷蛋，鬆軟又夠濕潤伯爵香好明顯，反而冧酒味道唔夠突出ꔐ朱古力雲石磅蛋糕望落好靚仔，蛋糕好鬆軟牛油香幾足，朱古力發揮都幾好ꔐ杏仁金磚ꔐ開心果金磚ꔐ朱古力瑪德蓮蛋糕金磚牛油香幾濃，開心果口味會比較特別！朱古力口味嘅瑪德蓮係我會encore系列朱古力味超重超濃！另外仲買左幾款曲奇比朋友，口味都幾特别！

【Stressed🔁Desserts|將壓力轉化成甜品】今個假期仲有朋友嚟我屋企玩，佢仲指定要我陪佢食甜品😋。既然慶祝康復，就食朋友認為最好味嘅！單睇店名「常溫」唔覺得有特別，睇埋英文」so warm」… 會心微笑😊🧁古法拿破侖蛋糕被譽為鎮店之寶，足9層，好有水準，酥脆又唔系好甜，喜歡拿破侖嘅朋友一定要試。🧁朱古力雲石蛋糕我好鐘意❤️，有奶味又有朱古力味，蛋糕紋仲好似三色貓🐱。🧁北海道生乳忌廉卷我最鐘意佢嘅北海道牛奶味，蛋糕勁軟彈。🧁柚子燉蛋慕絲蛋糕柚子嘅酸超滿足到鐘意食酸嘅我，蛋糕邊有椰絲圍住，中間慕絲好滑，薄薄一層小蛋糕系底，好開胃嘅感覺。🧁咖啡金磚蛋糕🧁杏仁金磚蛋糕🧁瑪德蓮蛋糕金磚類型原來有好多選擇，今次我最鐘意杏仁金磚，杏仁好香，配茶或咖嘛都好夾。🔍常溫So Warm 📍新蒲崗大有街33A地鋪#常溫 #手造蛋糕 #拿破侖世一 #拿破侖好食 #新蒲崗美食 #拿回家都要有份儀式感 #關係保持常溫的重要