Burgerman (欽州街) (已結業)

深水埗茶餐厅就多啦，但如果唔介意企喺度食，burgerman都系唔错既选择。虽然佢既burger唔系平民价钱，但食物真系几高质，而且仲系即叫即制，burger亦相当足料，非常值得推介。鹅肝安格斯汉堡🍔牛肉厚身又juicy，个鹅肝都好大块，外脆内软，入口即溶，配合埋车打芝士、无花果黑醋汁同蕃茄，食落唔会好济，口感丰富好味，不愧系皇者之选。黑松露和牛汉堡🍔和牛选用澳洲和牛，中间夹有半溶芝士、日式芝麻沙律、黑松露酱、磨菇等配料。和牛肉质松软，夹埋黑松露酱，简直系味感既享受，每咬一啖，肉汁立即溢出。