成發海鮮小廚

营业中

休息中

呢间之前食过几次, 通常都收工一个人去, 一个煲仔菜一碟炒菜一支大啤, 通常200左右落楼, 已经发觉埋单时跟餐牌价钱总有啲出入, 不过相差不远就算啦, 咪当比加一咯。前晚如常一个人去, 大鳝煲餐牌写时价, 所以今次已经醒目专登问了店员几钱, 店员回覆帮我问老细, 之后回覆蒜子大鳝煲收$198, 其实我都觉得大排档嚟讲都算贵, 不过问咗价唔要又好似好衰, 咁最后叫咗一个蒜子大鳝煲, 一碟蒜蓉菜心加一支大啤。最后埋单时竟然收我$380, 我问老细点解咁贵, 佢话呢个价冇错, 我要求睇单, 原来蒜子大鳝煲收咗$288, 菜心$60, 大啤$32, 我就问佢唔系$198咩？佢话一路都系$288, 仲话我食嘢唔知价, 我就话系𠮶个店员覆价$198我先会点, 后来𠮶个店员都埋嚟同老细讲话系佢自己(即收我钱𠮶个)覆$198, 但老细竟然反口话成晚都冇人问过佢价, 企梗唔肯减, 个店员表情都好无耐, 我最后冇同佢嘈, 掟低300问佢要唔要, 唔要就报警, 佢就跟住赶我走, 仲叫我行路睇车小心比雷劈㖞！如果大家想亲身体验成发㓥客经历的话, 成发海鲜小厨绝对唔会令大家失望！推介！