D. H. Crab (已結業)

唔知由几时开始，城中兴起一股Lobster Roll热潮，卖龙虾包嘅餐厅开到成行成市。的确系嘅，香脆嘅包夹住又大又红卜卜嘅龙虾钳，鲜甜嘅虾肉多到必晒出嚟，唔系唔吸引啊嘛？不过唔知点解我对龙虾包又普通，始终都系钟意芝士龙虾伊面多啲。星期日戆居居，见到呢度新开，我又未试过呢类型嘅包，就嚟呢度试吓啦。全场13个座位，墙上有好多蟹及风景相，环境都不错King crab roll ($120)配一包薯片及饮品，chips以为系薯条点知系一包Lays classic薯片，失望咗；面包用牛油轻轻煎过，外层松脆内层软绵，牛油味浓郁，口感非常好；皇帝蟹肉拆肉后以适量自制蛋黄酱调味，感觉唔会太腻；蟹肉冇预期中多到满泻，而且太过细碎，口感冇咁好，但肉质都算爽口，微咸有海水味Jumbo shrimp roll ($100)有4只虾，虾肉清新爽口，冇其他花巧嘅酱汁，只有简简单单嘅盐及香料点缀，咁就可以令鲜虾味更加突出，肉质爽口弹牙，好味！老板主动俾客人试吓是日餐汤，今日嘅系咖哩蟹肉汤，用原只蚬及其他海鲜一齐煮，海水味甚浓，可惜我试咗一啖之后觉得太咸；整体OK，但如果以薯条换咗薯片会更加吸引！