半島漁港/阿翁火鍋館 (南昌薈)

营业中

休息中

本身谂住入嚟任食打边炉，个套餐有固定咗嘅配菜同埋可以另外单点嘅𩠌。我哋坐低咗落单嘅时候特登提醒侍应我哋另外有单点咗一啲𩠌，侍应亦都系点头好似明白咁嘅。结果等咗好耐我哋单点嘅𩠌都未上，于是我哋追问第一位侍应，侍应就答我哋厨房整紧叫我哋等等，当然亦都冇真系帮我哋追问厨房啦。又过咗一段时间我哋见啲配菜都仲未上，就追问第二位侍应，第二位侍应就答我哋啲嘢自己识得上唔需要落单。又过咗一段时间我哋啲𩠌都仲未上，我哋就追问经理，经理先话俾我哋知由头到尾都冇落过我哋单，我哋白白等咗一个钟。成件事啲侍应好明显系冇受过训练，求其敷衍吓就算，今次呢次体验真系识到我哋一肚气