影片
更多
2019-05-31
87 浏览
蚝湾位于尖沙咀嘉兰围，比较僻静。舖面唔算好大，一入门口就系吧枱，装修以黑白颜色为主，加上暗暗嘅灯光，系典型高级西餐厅嘅感觉。店内枱数唔多，店员人数亦都唔多，食物逐张枱做，所以都要d等待嘅时间（等食好野我ok嘅！）基本上每一枱都会叫个自选海鲜拼盘，生蚝就必点嘅，再加其他海鲜，厨师会帮你摆好整整齐齐一盘，然后一上枱就即刻手机食先呢间蚝吧提供嘅海鲜种类真系好多，生蚝已经占咗成页menu！有选择困难症嘅我哋系店员推荐之下叫咗六款生蚝、北海道活赤贝、北海道带子同原只活海胆Honey Point ($32/pc)Chile Montt ($32/pc)Lambert (No.1 $49/pc)Majestic (No.1 $49/pc)La Perle Noire ($39/pc)Gillardeau ($59/pc)生蚝嘅摆法原来分咗次序，店员教我哋由最细只嘅Honey Point开始顺时针咁食。第一次一次过食咁多款生蚝，跟住次序食真系会食得出每款蚝嘅味道同口感都有唔同架！个人最中意Gillardeau，蚝肉肥美结实，食落带点爽口，味道十分鲜甜，𠮶阵「鲜」气系口腔久久不散，不愧生蚝中嘅劳斯莱斯！
Honey Point ($32/pc)
Chile Montt ($32/pc)
Lambert (No.1 $49/pc)
Majestic (No.1 $49/pc)
La Perle Noire ($39/pc)
Gillardeau ($59/pc)
生蚝嘅摆法原来分咗次序，店员教我哋由最细只嘅Honey Point开始顺时针咁食。第一次一次过食咁多款生蚝，跟住次序食真系会食得出每款蚝嘅味道同口感都有唔同架！个人最中意Gillardeau，蚝肉肥美结实，食落带点爽口，味道十分鲜甜，𠮶阵「鲜」气系口腔久久不散，不愧生蚝中嘅劳斯莱斯！
Hokkaido Ark Shell ($78/pc)
原只赤贝我又系第一次试，颜色橙红，表面好有光泽，一只分成四片，每片都几厚身，咬落去非常爽甜，仲好食过其他日本餐厅嘅每人浅尝两片真系唔够喉呀～
Hokkaido Scallop ($38/pc)
带子系我最中意食嘅刺身之一，餐厅有嘅话我都一定会点北海道带子size大又厚身，食落结实弹牙，系新鲜嘅象征。可惜放系柠檬上面，吸收咗太多柠檬嘅酸味，盖咗本身嘅鲜甜，呢到要扣少少分啦。
Sea Urchin ($168/pc)
原只海胆放系拼盘嘅正中间上方，好似主角咁散发住诱人嘅光芒我哋小心翼翼咁夹起片海胆，一放人口就系脷面融化，然后成个口都甘香，真系同系日本食到嘅感觉一样呀！
值得一提嘅系呢d冻海鲜全部都无配上酱汁，只有柠檬片，真系新鲜海鲜先会敢咁样做，而食过之后我都觉得真系无需添加！
食咗个咁丰富嘅冷盘之后就到热盘同主菜啦～
Foie Gras Toast ($198)
先黎个鹅肝多士！薄薄嘅多士烘到刚好酥口香脆，搽咗少少黑醋帮助去鹅肝嘅油腻，然后上面块鹅肝嘅厚度系多士嘅两倍有多，煎到表面金黄，外脆内软，十分香口。不过鹅肝真系会有少少腻，少食多滋味，一人两块仔真系够晒
Love Lobster Set ($688)
龙虾都系我哋两个嘅最爱！不过食原只龙虾太贵啦，所以我都系食下龙虾包就算。但系今日豪开就决定豪落去啦！将只龙虾分尸，黎个龙虾三味！
龙虾刺身好似白玉般晶莹剔透，咬落弹牙，但同带子一样放系柠檬上就变酸了......
龙虾汤呈鲜橙色，就咁闻一闻已经好香龙虾味，饮落creamy浓郁，微微辣十分惹味，加上啖啖龙虾肉，饮每一口都会心微笑
最后系烩龙虾意粉。最吸睛就当然系𠮶两旧起咗肉嘅龙虾钳，一啖食成只钳系几咁过瘾除左两只钳都仲有好多肉架！弹牙龙虾配弹牙意粉，食完会开心到弹起但系实在太饱，食晒d龙虾肉剩咗好多面，有点儿浪费啊！
张贴
