自助山

营业中

休息中

早几日和朋友到湾仔自助山食buffet，一开始先食海鲜，面包蟹D膏好少，好冰冻，龙虾咬落去好鞋好难吞，我好想吐番出嚟！元贝有雪味，蟹脚冇鲜味，食咗大半个钟，经过海鲜区见到一个人都冇，大家明白乜事啦，去到食鱼生刺身，有部份解冻时间唔够，就比人食，有冬䕃公汤味道一般，有蒸点心虾饺、烧卖、小笼饱系公仔点心果D嚟，热荤唔多选择，烧味有四款叫做全晚最正常甜品都系D普通料，最搅笑就系D雪糕，攞啲杂物牌子雪糕出嚟，标明话系自家制，真系当人哋傻！收八佰几元一位，H同D字头雪糕都冇，离谱！本应谂住有个靓夜景睇吓，竟然佢哋开冷气太大，出边啲玻璃全部有水气，完全睇唔到个景，我劝大家唔好嚟食，景观和食物会令你非常失望😞