漁釧 (將軍澳中心) (已結業)

将军澳而家有好多餐厅选择，住左𠮶度咁耐真系食咩都唔厌，今晚就去左将军澳中心既渔钏食晚餐。入面装修好有日本风，地方阔落好有私隐度。主食叫左极上四色丼饭，有三文鱼、吞拿鱼、虾同带子，刺身份量不吝啬，够鲜甜，两人食刚刚好。黄金软壳蟹，炸得火候刚刚好，咸蛋黄味香浓，均匀地包围住软壳蟹，香脆可口。海胆年糕烧好正，年糕外脆内软，啖啖嘅年糕米香配埋海胆令海水味更突出。海胆酒盗芝士，呢个配搭新鲜，惊喜地好食，梳打饼够松化，配埋紫酥叶清新味令芝士不太济！烧明太子好少见，呢间可以做够皮脆，内里有口感，但味道会较重，青瓜青脆，应厚切同明太子一齐食更清新消滞。食左咁多野，好彩最后叫返个沙律，清新啲，配埋银鱼仔，一解油腻感。