影片
更多
2019-03-01
2000 浏览
一行人，其实得4个，趁星期六大家都唔使返工，天气又凉凉哋，一于沿「离岛自然历史径 – 昂平及大澳段」由东涌沿海行到入大澳，行吓、抖吓，抖吓又睇吓，结果都要用上5个钟先入到大澳。嚟到大澳，除买番啲虾膏、虾酱做手信，仲试吓啲小食。咯过其中一家「大澳小食」，睇见有一款蛋饼叫「香妃卷」，即做即食，有兴致地一试。「香妃卷」其实喺乜呢？晌铁板淋上蛋浆做成薄饼皮后，就加入好多材料，如葱花、菜脯、芫荽、芝麻，以及一大片脆片，再淋上酱汁，跟住手势纯熟卷起之后，就帮我哋分成4份入埋袋添。可能大澳多外国游客，店主特意将「香妃卷」套咗个英文名俾佢叫「Chinese Pizza」，当然，大家都明实际唔喺薄饼𠮶会事啦，反而似似哋法式班戟，用「Crepe」唔知会唔会贴切啲呢？故睇见个包装袋都几搞笑。老实讲，其实味道都算唔错嘅，咸咸香香咁，口感又有啲层次，个饼皮亦几脆口，不过，就唔会有种好惊喜或好特别嘅感觉，只可以讲叫试过就算！依家行「离岛自然历史径 – 昂平及大澳段」唔止得山景、海景，仲有港珠澳大桥景，都算以另一个角度睇呢项大工程。以下跟大家分享少少沿途相片，虽然话就话行咗成大4、5个钟，但绝大部份都喺平路，唔太难
「香妃卷」其实喺乜呢？晌铁板淋上蛋浆做成薄饼皮后，就加入好多材料，如葱花、菜脯、芫荽、芝麻，以及一大片脆片，再淋上酱汁，跟住手势纯熟卷起之后，就帮我哋分成4份入埋袋添。
可能大澳多外国游客，店主特意将「香妃卷」套咗个英文名俾佢叫「Chinese Pizza」，当然，大家都明实际唔喺薄饼𠮶会事啦，反而似似哋法式班戟，用「Crepe」唔知会唔会贴切啲呢？故睇见个包装袋都几搞笑。
老实讲，其实味道都算唔错嘅，咸咸香香咁，口感又有啲层次，个饼皮亦几脆口，不过，就唔会有种好惊喜或好特别嘅感觉，只可以讲叫试过就算！
依家行「离岛自然历史径 – 昂平及大澳段」唔止得山景、海景，仲有港珠澳大桥景，都算以另一个角度睇呢项大工程。以下跟大家分享少少沿途相片，虽然话就话行咗成大4、5个钟，但绝大部份都喺平路，唔太难行，喺临入到近大澳先喺多啲山路。
晌大澳行吓，食少少小食补充吓就出返东涌，因为，正正有朋友住晌东涌，上佢屋企打搞吓，聚聚旧食番餐，所以，先拣咗今日走入嚟行山！
张贴
