影片
更多
2018-03-09
9285 浏览
妈妈习惯食中菜，好少食日本野。上次讲到放题好多野食好多野拣，妈妈就话想试下。今次临时放假，就约咗妈妈嚟缘聚。夜晚9点前都做紧$228一位，正常放题价钱。入到去坐低，妈妈睇到加$98有生蚝加松叶蟹任食都心思思，一于加埋俾佢，满足下佢。由于缘聚位于地库，所以空间感好足，坐得都舒服。可能因为系地库关系，灯光较暗，但同其工业风设计的装修又几配合。同样好多唔同颜色纸，睇到妈妈眼都花埋。加得钱就当然进攻生蚝同蟹先啦，每人每次只可以order两件，唔紧要，我地敞开肚皮慢慢嚟。生蚝虽然唔算好肥美，但胜在够新鲜；而且味道唔腥，蚝肉湿润光泽带厚度。相较起生蚝，妈妈就更加喜欢松叶蟹脚，唔使担心咬唔开，每张台都有附设咗蟹剪俾食客剪壳。拆开旧壳，成条蟹柳咁粗既蟹肉出咗嚟，肉质爽口扎实饱满，清甜鲜美。跟住落嚟进攻刺身，三文鱼、油甘鱼、甜虾同带子都系我最爱。虽然唔系厚切，但系食得出新鲜，而且肥美。我好记得有次去第二间放题既三文鱼好似有肌肉咁，嚼都嚼唔断，缘聚就完全唔使担心呢样嘢。有几款熟食我觉得都值得Encore既，第一样就系烧大虾。有得拣要汁定走汁，但我tick错咗要汁个格。其实食虾呢种味道较轻既食材最好就唔好过
入到去坐低，妈妈睇到加$98有生蚝加松叶蟹任食都心思思，一于加埋俾佢，满足下佢。
由于缘聚位于地库，所以空间感好足，坐得都舒服。可能因为系地库关系，灯光较暗，但同其工业风设计的装修又几配合。
同样好多唔同颜色纸，睇到妈妈眼都花埋。
加得钱就当然进攻生蚝同蟹先啦，每人每次只可以order两件，唔紧要，我地敞开肚皮慢慢嚟。
生蚝虽然唔算好肥美，但胜在够新鲜；而且味道唔腥，蚝肉湿润光泽带厚度。
相较起生蚝，妈妈就更加喜欢松叶蟹脚，唔使担心咬唔开，每张台都有附设咗蟹剪俾食客剪壳。拆开旧壳，成条蟹柳咁粗既蟹肉出咗嚟，肉质爽口扎实饱满，清甜鲜美。
跟住落嚟进攻刺身，三文鱼、油甘鱼、甜虾同带子都系我最爱。
虽然唔系厚切，但系食得出新鲜，而且肥美。我好记得有次去第二间放题既三文鱼好似有肌肉咁，嚼都嚼唔断，缘聚就完全唔使担心呢样嘢。
有几款熟食我觉得都值得Encore既，第一样就系烧大虾。有得拣要汁定走汁，但我tick错咗要汁个格。其实食虾呢种味道较轻既食材最好就唔好过多调味。话虽如此，呢个大虾虾肉够爽口，就算有汁都盖唔住虾肉既鲜甜。
烧羊架简直系可以称为卡路里恶魔，既「酥」，又不「骚」。表面烤到略带焦脆，入口肉汁满溢，肉质细致软嫩，咬住呢旧羊架就觉得自己系食肉兽。
另外串烧鸡软骨同烧日本番薯仔都好味——鸡软骨香脆有嚼劲，番薯仔软糯香甜。
另外如果唔食生蚝，唔使加钱都有蚝嘅选择，有蒜蓉烤蚝同芝士白汁烤蚝。熟蚝嘅个头比生蚝既略细，味道上以芝士白汁口味为佳，毕竟芝士真系万能Key嚟。
由于我同妈妈都有几声咳，所以都冇order过炸物。另外熟食仲想讲埋个蟹粥，呢个真心超超超甜。 粥嘅口感我好钟意，就系半软半糊咁嘅状态下仍然可以食一粒粒米。蟹件虽然唔系好大，但都多肉。而且粥面洒上一粒粒蟹子，视觉效果丰富咗之余，其实多咗层次。
另外仲有清酒煮蚬，就系好简单嘅味道，蚬肉鲜甜弹牙，仲有融入晒所有蚬肉精华嘅汤汁。
野饮上我就推荐呢个梅酒，唔系俾一杯仔你，而系一个玻璃樽，味道富含果香味，好开胃。
另外甜品上，除咗冰柜入面嘅选择，另外我推荐佢地嘅焦糖芝士雪糕同牛奶雪糕，味道好浓郁好香甜，夹带著面头个层脆脆嘅焦糖，不得了！
最后我地两个人加埋一，用左大概700零蚊。同埋我系第一次发现我阿妈食量咁大，佢话佢好中意放题wor，睇嚟呢个初体验经历，佢都非常满意！
张贴
