影片
更多
2003-06-01
15 浏览
寻晚食完鱼一丁, 都系唔多够喉, 跟手食埋个甜品. 我地5个人, 叫左一埋甜品. 之前食过, 都觉得佢d野好食. 今次叫左个芝麻皮芒果班戟, 有d失色㖞!! 个皮就真系够黑, 但系一d芝麻味都冇, 有d失望. 我谂如果有番芝麻味会好食d. 芝麻合桃糊, 正!! 我男朋友话好好食, 我都觉, 呢个就够味啦, 而且唔会好稀添!! 不过最搅笑都系我个鸳鸯蕃薯糖水, 未食过都会估到系2种色0既蕃薯煲成啦!! 但系当我见到碗糖水时, 好意外, 成碗都系黄心蕃薯. 我之前0系杏花楼食过都唔系咁. 我就问个亚姐点解会系咁啦. 佢好礼貌咁答我: 因为一煲入面有太多蕃薯啦, '不'0既时候可睇唔到. 一碗可能会有小小紫心, 甚至乎系冇!!! Ha???? 咁都得, 但系呢个系鸳鸯蕃薯糖水㖞, 咁骑呢!! 不过亚姐姐都换过一碗比我. 希望下次佢地会'不'得小心d啦. 如果9系就会比人觉得系揾笨!!
张贴