福門海鮮菜館 (已結業)

台风妮妲今次袭港，令我开心既系多左半日上昼假，但同时下午又要匆忙赶番工。有咁耐风流，有咁耐 ......用半日时间做成日既野真系赶头赶命。好在收工大部分餐厅都有营业，于是同同事拣左间食小菜既餐厅relax下。餐厅位于大角咀，由旺角地铁站行过去其实都好快。呢度主打晚饭小菜，同时又有海鲜。冬瓜盅原个冬瓜盅卖相吸引，设计上亦有花心思。店员会主动分汤，服务唔错。至于汤既用料都几多，饮落清甜，系夏日饮汤水既一个好选择。粉丝蒜蓉蒸黄金贝本身黄金贝大大只，粉丝同埋蒜蓉又够丰富，令到整体口感有所提升，食落蒜香味浓。秘制香辣鲜鸡煲鸡煲用料都几丰富，见到整个煲材料十足。鸡占既比例都几多，加埋有秘制既香辣味已经比鸡充分吸收，食落又辣又惹味。沙律明虾球先将虾球炸好，再加上沙律酱。虾球本身外皮脆，内里爽口。而沙律酱既减轻左煎炸既感觉，又可以令虾球食落更开胃。椒盐鲜鱿椒盐鲜鱿既份量都几多，而且够镬气。望住金黄色既椒盐鲜鱿同我挥手，真系忍唔住要食。椒盐鲜鱿炸粉唔厚，鲜鱿新鲜，味道有d似避风塘炒既感觉。腐乳通菜好多时为左感觉健康少少，食小菜都会叫番一碟菜。腐乳通菜既腐乳味唔算好强烈，可以放心食，而且通菜唔老，都几嫩口