影片
更多
2009-03-17
163 浏览
今个晚餐的主题是为妹妹庆祝生日，之前两日已经开始约人，原本只有四个人，到最后竟然又比我约到变咗九个人的同事聚会，四男五女--简真系perfect 嘅组合...一定唔少得嘅系主角妹妹Ada，带病都黎嘅Anita，好难约到嘅Michelle，试食兵团嘅团友阿Nat、阿弗，最后都冇改变主意出席嘅准新人Tony伉俪(Tony校长 & Joyce校监)，仲有成日都同我出去玩嘅我条靓 ....sorry...应该系靓仔同事Angus，仲有就当然唔少得我呢个搞手啦!....人多....虽然我呢个搞手系多嘢烦啲....但系就热闹啲、开心啲嘛。到决定地点时，妹妹提议去呢间我地之前未有机会试的瑞士餐厅 - Swiss Chalet。到7:30预定时间，虽然餐厅位处尖沙咀，但好多同事都对赫德道不是太清楚，庆幸的是大家最后都准时来到。坐底后，发觉原来净饮水要charge$10，咁当然即刻著大家叫返杯饮品啦，我地叫咗三杯beer，其他的都是果汁汽水，我虽然叫了German beer，但唔系麦啤，而阿弗叫嘅麦啤....我相信应该好饮过我𠮶杯。叫𩠌方面，虽然我征询过其他同事意见，但最后都如妹妹之前所讲，话事权落在我
坐底后，发觉原来净饮水要charge$10，咁当然即刻著大家叫返杯饮品啦，我地叫咗三杯beer，其他的都是果汁汽水，我虽然叫了German beer，但唔系麦啤，而阿弗叫嘅麦啤....我相信应该好饮过我𠮶杯。叫𩠌方面，虽然我征询过其他同事意见，但最后都如妹妹之前所讲，话事权落在我和妹妹身上，而且已经过了半个钟头，大家都嗌肚饿了。虽然我地好多同事都是外国回来，但系waitress都还是等到一个貌似老板的中国藉肥佬得闲，至帮我地点菜。
面包算系唔错嘅.....如果系佢地自己焗嘅，牛油都有两种，热辣辣嘅，颇软熟，可以refill添....见啲女仔食面包已经饱咗七成。
1. 瑞士风干杂肉拼盘 Swiss air-dried meat pscialities of ham, beef, bacon and salils
> 一般嘅cold cut...亳无技巧可言，胜在算易入口，不似意大利头盘咁...未必人人接受，不过不失。
2. 炒磨菇沙律配红酒汁 Warm mixed Mushrooms in assorted lettuce topped with red wine sauce
> 只是一个比平时多一点温暖嘅沙律，好在没有吃草的感觉。
3. 牛仔肉+磨菇+忌廉汁酥皮盒 Puff pastry shell filled with veal cubes, onions, xxxxxx and champignon mushroom in a white wine cream sauce
> 谂起酥皮真系肥死人....要用猪油搓嘛，但系又好好食，不过因为我地系share黎食嘅关系，切开后，酥皮已经由原本的原桶型变为好似饼碎了。
4. 瑞士芝士、肠仔沙律跟新薯 Cervelat sausage and cheese salad served with new potatoes
> dressing 唔错，可能加了cheese，似french dressing...稀杰度适中, 大家都认为肠仔...yummy。
5. 烩牛仔膝配意大利粉 Stewed veal served with fine noodles
> 牛仔膝煮得唔够腍，意粉实在太少了，就算一人份量都嫌少，何况我地咁多人呢!
6. 瑞士炒鸡肉配磨菇忌廉汁跟瑞士薯饼 Thinly sliced chicken with white mushroom in a creamy sauce served with hash brown potatoes and vegetables
> 可能返了香港太耐，我同妹妹都好怀念𠮶边嘅hash brown，口感实在太好了。
7. 传统瑞士芝士火锅配法包 The traditional cheese fondue, Cheese mixture melted in dry white wine flavored with Klesch and served with French bread
> 有酒嘅，虽然我认为唔够酒味，但大家都觉得酒味太浓....唔好味，盖过的芝士味。
8. 牛仔肉丸芝士火锅配蔬菜、新薯及法包 Cheese mixture melted in dry white wine, slavoured with tomatoes and veal served with bread cubes and potatoes
> 我地一早同老板落单时讲定唔好落酒，如果唔系大家可能觉得唔啱食，呢个比之前𠮶个只系多咗肉丸同埋蕃茄碎，芝士一样系唔够香。
9. 菠菜芝士火锅配鸡肉蔬菜法包 Minced spinach melted with a cheese mixture seasoned to perfection served with vegetables, santeed chicken and bread cubes
> 呢个嘅样太似Cream of Brocolli，事关西兰花忌廉汤系我同妹妹嘅至爱。
整体而言：以食物味道来说，只可以算是不过不失，与我在瑞士当地食嘅比真系差好远，okay...(可以一食)。但系如果计埋service方面，就唔合格了，事关当个老板同waitresses问我地要唔要dessert, coffee or tea嘅时候，我地冇叫到....佢地就面黑了，试问边会有一间餐厅会这样待客，而且水又要钱，又规定每台客人一定最少要叫返相同数目嘅𩠌....以我地为例，九个人就最少叫九个𩠌，不足嘅话系要另加一个𩠌嘅费用，呢样算做不合理嘅收费。每人平均$170。
张贴
