Tomacado 花廚

营业中

休息中

上星期同家姐撑枱脚，见到嚟呢度食饭嘅客人都系女性居多，咁靓嘅环境，周围都系靓靓嘅鲜花，有边个女人会唔钟意？❣️午饭时间12点左右，可能附近写字楼未放食晏，餐厅内未有爆满嘅情况，我哋两个仲系可以选择自己喜欢嘅座位，坐低服务员好快就过嚟同我哋落单点餐，服务员态度非常友善同热诚，而且落单后食物亦都好快送到。食物摆盘精美，衬上咁靓嘅环境，必定要打卡影返几张靓相；店舖会定期搞一啲小活动，例如叫套餐会有香薰蜡烛送，香薰蜡烛嘅造型非常靓，完全配合花厨呢个名，下一次可以约埋几个好姊妹，喺呢度静静地倾吓偈享受悠闲嘅美食。