Amitie Kitchen (已搬遷) 新店位置

今日终于都约到一个好耐无见嘅好姊妹出嚟呀食饭，赖得老公同姊妹撑台脚。姊妹系九龙个边番工，佢选择左系尖沙咀个头聚餐。餐厅嘅位置都有少少难揾，系一栋商厦入面，装潢行简约风。菜式嘅选择有好多，花多眼乱，可以叫套餐又或者单点。2个女孩子食量唔系好大，叫2个餐又感觉好似太多，所以最尾都系叫一个餐再加份牛扒。是日餐汤系南瓜汤，非常浓郁，又厚身！面包盘系附送嘅，我地好欣赏会焗番热先上枱，热辣辣嘅面包特别好食！黑色个块食落似饼干质地脆身嘅，味道带点辛辣。红鲭鱼沙律鱼块好大件，煎得好嫩滑。沙律菜非常新鲜，餐厅亦标明系全用水耕种植！香煎8oz西冷卖相煎得好靓，我地叫左五成熟，切开非常粉嫩，咬落去啲肉汁涌出嚟，姊妹大赞非常好食！焗烧大啡菇，焗酿带子，虎虾意大利饭伴龙虾汁呢个嚟到同我地嘅想像中不一样，不过摆碟几靓。意大利饭酿入大啡菇食法原来都几食，海鲜煎得几香脆，唔好以为睇落份量唔多，但食落其实都几多饭嫁，够晒饱有余！餐饮坐下坐下都全场满晒，有好多枱都似系几个好朋友嚟聚餐，所以最尾个环境变得无甘静。