影片
更多
2011-05-25
20 浏览
身边好多女性朋友不时会问我有无餐厅可以介绍，首要条件要环境舒适，可以坐得愈耐愈好，其次地点一定要就脚，价钱唔可以太贵，反而食物质素永远放到最后，又要有甜品供应先开心...真麻烦！而且我唔太喜欢推介连锁餐厅俾朋友，所以次次都令我大伤脑筋，直至有日读过西打哥其中一篇精彩食评，在尖沙咀一角找到答案...Kitchen M在尖沙咀K11商场内一个较隐蔽位置，大家只要到达一楼最大果间运动服装店，行到最深处就会见到餐厅存在。餐厅环境舒适，设计简单，木制餐椅衬托著白色砖墙，感觉舒服悠闲。呢度有沙律头盘，意粉薄饼，亦有各类主菜甜品，款式最啱心多多嘅女士们。厨师沙律($98)以带子，大虾，芝士为主，约二至三人份量。虾肉弹牙爽脆，带子鲜味，芝士味唔太浓郁，配上新鲜蔬菜，作为头盘绝对合格。食过沙律后，再来一份香脆帕尔马火腿薄饼($128)。Parma Ham，火箭菜跟烟熏过嘅水牛芝士组合微妙，加埋轻薄香脆嘅薄饼，大家都食得滋味。边食薄饼边倾计，大家亦懒理薄饼系唔系由来自那不勒斯焗炉烤烘了～哈！听闻Risotto系Kitchen M拿手好戏，于是来个大虾意大利饭($128)试试，入口第一个感觉系酱汁弄得好惹味
Kitchen M在尖沙咀K11商场内一个较隐蔽位置，大家只要到达一楼最大果间运动服装店，行到最深处就会见到餐厅存在。餐厅环境舒适，设计简单，木制餐椅衬托著白色砖墙，感觉舒服悠闲。呢度有沙律头盘，意粉薄饼，亦有各类主菜甜品，款式最啱心多多嘅女士们。
厨师沙律($98)以带子，大虾，芝士为主，约二至三人份量。虾肉弹牙爽脆，带子鲜味，芝士味唔太浓郁，配上新鲜蔬菜，作为头盘绝对合格。
食过沙律后，再来一份香脆帕尔马火腿薄饼($128)。Parma Ham，火箭菜跟烟熏过嘅水牛芝士组合微妙，加埋轻薄香脆嘅薄饼，大家都食得滋味。边食薄饼边倾计，大家亦懒理薄饼系唔系由来自那不勒斯焗炉烤烘了～哈！
听闻Risotto系Kitchen M拿手好戏，于是来个大虾意大利饭($128)试试，入口第一个感觉系酱汁弄得好惹味，大虾煎得刚好不过火，保持口感及鲜味。而意大利饭方面食落黏口又弹牙，味道唔错。不过如果可以加多少少紫苏酱，将意大利饭果种香浓口感再突出多一点就更理想喇！
意大利饭令味蕾兴奋，但意粉味道却是一般货色。烟三文鱼扁意粉($88)无乜咬口可言，酱汁亦做太浓味，感觉有点腻口，愈食就愈不想再食落去。烟肉芝士蛋汁意粉($88)比起口感比扁意粉好一点，但芝士味未够浓香，蛋香亦欠奉，跟Applegreen那份Carbonara相比甚远...
虽然意大利粉教人失望，但一份焗苹果酥($88)再令我地重现笑容，苹果酥卖相尤如一个薄饼，焗得够酥香，肉桂苹果香味微微散发，夹杂开心果碎，系一个非常值得推介嘅甜品。另一款甜品红莓拿破仑($58)内层吉士酱算幼滑，千层酥皮部分牛油味香浓，可惜咬落够脆唔够松，要扣一点分，Mille-Feuille始终都系Mimosa同Carrina做的较好...Kitchen M食物份量少同上菜速度慢，无可否认都系缺点，但从另一个角度睇，多叫几款慢慢食，一班朋友就再多时间倾下计，其实都系一件乐事，呢个算系半杯水嘅道理吗？
张贴
