Via Tokyo (已結業)

 以后唔使一定要过海先食到Via Tokyo啦，系九龙人嘅一大喜讯尖沙咀新店喺金马伦道，地点就脚，舖位亦比总店大，同埋唔使自己排队落order，唔收加一仲有人serve你添。抹茶cheesecake 质感相当幼滑软绵每啖入口都有慢慢溶化的感觉，先尝到抹茶的甘香，其后乃芝士的余香，两者味道平衡有序底部亦用上海绵蛋糕，令整件蛋糕更融为一体。焙茶雪糕依然出色！茶味香纯浓厚，无乜苦涩味尼个芭菲仲有好多配料㗎，有焙茶饼干同蛋糕、白玉、蕨饼、焙茶同抹茶啫喱、脆米、奶油、红豆等，层次感同口感十足不过整体感觉有点甜腻，可能因为红豆同奶油并存嘅关系吧。蛋糕卷软绵绵，啲焙茶cream口感细滑，味道仲好浓郁而且唔会太甜腻，真系可以一次过连续食几件！上面嘅焙茶espuma，睇落质感好似好沉重咁，其实刚刚相反，超轻盈如泡沫，而且焙茶味亦够香刨冰幼细如绵，仲加咗syrup同底部有红豆㗎。如果可以再多啲焙茶espuma 就更好啦！相信钟意焙茶嘅都会有同我一样嘅谂法。