影片
更多
2023-04-06
1170 浏览
📌 嘉乐冰厅 (新村街) - 荃湾新村街40B号地舖🗓(6/4) 星期四 ⏰ 下午1:30左右 💈特式：早两日食完嘉乐系土瓜湾U Place嘅分店，食后感惨不忍睹，见呢几日连续假期，又谂唔到野做，就特登入去荃湾食返佢间总店，结果一定系食返总店好。🥩🍔🌭🌮🥗🥯🥘🍲🍝🍣🥟🍤🍱食物：今日特登叫两款同早几日相同嘅食物嚟做下对比，当然都会叫几款土瓜湾分店无提供嘅食物，如果唔系就浪费左我山长水远走入荃湾了，而家等我同大家讲下味道先。豉油王鸡翼 - 首先土瓜湾分店平均$8蚊一只，总店只系$6.75一只，价钱已经蠃左；味道方面，一上枱阵豉油香味已经浓郁好多，只只鸡翼都肥大肉厚及充满油光，入面肉质嫩滑，又够入味，色香味齐全。华田脆脆西多 - 呢个总店卖$36蚊份，，平分店$4蚊，而且总店仲有个好处就可以叫半份，虽然价钱会贵d，不过就唔洗咁浪费；味道方面都系总店蠃晒，又大件同厚身d，外皮脆d，入面松软d，阿华田脆见都比得多d。猪扒米粉 - 呢个猪扒认真够厚身，有我手掌咁厚，味道都ok，系近骨位置就有少少干同硬，米粉就一般茶餐厅米粉，无乜特别。咖喱牛腩捞意粉 - 呢个都系餐厅招牌之一，咖哩就比一
🗓(6/4) 星期四 ⏰ 下午1:30左右
💈特式：早两日食完嘉乐系土瓜湾U Place嘅分店，食后感惨不忍睹，见呢几日连续假期，又谂唔到野做，就特登入去荃湾食返佢间总店，结果一定系食返总店好。
🥩🍔🌭🌮🥗🥯🥘🍲🍝🍣🥟🍤🍱
食物：今日特登叫两款同早几日相同嘅食物嚟做下对比，当然都会叫几款土瓜湾分店无提供嘅食物，如果唔系就浪费左我山长水远走入荃湾了，而家等我同大家讲下味道先。
豉油王鸡翼 - 首先土瓜湾分店平均$8蚊一只，总店只系$6.75一只，价钱已经蠃左；味道方面，一上枱阵豉油香味已经浓郁好多，只只鸡翼都肥大肉厚及充满油光，入面肉质嫩滑，又够入味，色香味齐全。
华田脆脆西多 - 呢个总店卖$36蚊份，，平分店$4蚊，而且总店仲有个好处就可以叫半份，虽然价钱会贵d，不过就唔洗咁浪费；味道方面都系总店蠃晒，又大件同厚身d，外皮脆d，入面松软d，阿华田脆见都比得多d。
猪扒米粉 - 呢个猪扒认真够厚身，有我手掌咁厚，味道都ok，系近骨位置就有少少干同硬，米粉就一般茶餐厅米粉，无乜特别。
咖喱牛腩捞意粉 - 呢个都系餐厅招牌之一，咖哩就比一般茶餐厅香同浓，牛腩亦都好食，够腍同入味，又唔韧，意粉底都系一般茶餐厅质素。
凤凰奶糊 - 呢个只系总店有售，其他分店无的，餐厅职员话，因为成店只得一个老师傅识得整，所以分店无得卖。而且，以我所知，香港都唔多地方有做呢d奶糊，长沙湾就有一间都仲有做，不过就唔够呢间好食；
讲返个奶糊先，我唔系第一次食，但我觉得佢每次都keep到个水准，都系咁香/滑/浓/绵，一上枱，即系打散只蛋，等奶糊既热力将佢同化，混为一体，再加少少沙糖搅匀，的确一绝，仲要只系卖$24蚊，极力推介。
☕️🍵🥤🧋🍺🍷🥃🍹🧉🍾🍶🥛
饮品 : 饮品都系总店多选择同多元化d，多左大约10款沙冰同奶昔，当中我觉得最特别就系鲜蛋奶昔。所以就叫左鲜蛋奶昔同阿华田奶昔，各$30蚊杯，两杯都各有特式，阿华田就香浓味重，鲜蛋奶昔就有蛋香味，清甜鲜为主。
🍽环境：餐厅环境比起土瓜湾分店系差好多，又旧又残又迫夹，卡位就旧式硬座卡位，位置亦唔多，周不时都要搭枱，我已经系拣平日午市后去，都要搭左一阵枱。
🤵🏻🤵🏻♀️🤵🏻♂️服务：店员服务态度系ok的，因为店舖细，所以只得两个姐姐店员，但佢地几好倾，知我因为试左土瓜湾分店觉得麻麻，所以特登过嚟总店食，会问我个边有咩做得唔好之类，知道系食物质素问题，佢都会答我因为老师傅系晒旧舖，所以系会有少少分别。
💰💸价钱：两个人叫左咁多野，埋单都系$204蚊，仲要野食咁好食，外面仲要食唔到，认真超值。
🐲💬总结：呢个价钱食到老师傅嘅手艺，真心好吸引，同埋呢d饮食文化/特色食物买少见少，可能好快就会失传，所以大家要捉紧时间嚟试下了。
推荐指数：❤️❤️❤️❤️❤️
豉油王鸡翼
$27
68 浏览
0 赞好
0 留言
阿华田脆脆西多
$22
90 浏览
0 赞好
0 留言
猪扒米粉
$35
109 浏览
0 赞好
0 留言
咖喱牛腩捞意粉
$36
117 浏览
1 赞好
0 留言
凤凰奶糊
$24
192 浏览
0 赞好
0 留言
奶昔
$30
128 浏览
0 赞好
0 留言
鲜蛋奶昔
$30
70 浏览
0 赞好
0 留言
张贴
