金燕島潮州酒樓 (已搬遷) 新店位置

屋企人不时想食潮洲菜，但好怕旧式菜馆环境唔干净。喺尖沙咀都系去金燕岛，老字号（之前喺星光行）又坐得舒服。今次清清哋，叫啲家常菜，无叫出名嘅鱼翅、燕窝等：（1）麻油海节：味道调得刚刚好，好味！（2）卤水鹅片拼鹅肠：卤水味够陈，八角桂皮味芳香，唔系只得咸味。可惜当日鹅肝卖晒，无得食。（3）清炒带子西芹：带子新鲜肉厚。（4）沙嗲牛肉：牛肉好嚡，今次失手。（5）煎蚝饼：蚝鲜蛋香，必叫。（6）红烧豆腐、腿蓉娃娃菜（7）糖醋面：外脆内软，正！8个人，加埋只系千几蚊，抵食！