新派韓食館 (已結業)

约左个姐妹入左大围个Friend 屋企，佢地都爱韩食呢间店系我Friend 附近，入到去装修够潮又IN，好多美国式漫画公仔在墙身，楼底又够高，几舒服。先讲下春川炒辛辣鸡锅，有年糕、蔬菜、韩国粉丝和辣鸡。入面D韩国辣椒酱好辣下，但配埋D烟韧糕和爽口粗身的韩国粉丝，鸡肉都好入味，食落又甜又辣都几好食，但真系好辣呀！另外个韩式海鲜韮菜煎饼亦系推介，有蛋香，入面有好多韮菜同鱿鱼和少少虾，好香口，面煎得少少焦香，唔错。炸鸡甜甜地，不过唔系好热气，好厚肉，不错！我其实唔食生野，个Friend 叫左个咩飞机酱缸腌蟹，个OPPA话韩国直送，佢食时会拆开只蟹，酱D肉同蟹膏捞落个加左麻油的紫菜饭，有D甜味，蟹对我黎讲系真有D生，其实唔难食，我个Friend 劲Like，佢话好鲜好正。饮品好过瘾，双层草莓柚子沙冰都几靓，甜甜地；另外个菠萝冰，有成个小菠萝架，好好饮，好浓菠萝味，饮完好开胃又好想再食野，重可减下辣。