唐記包點 (粉嶺名都商場)

营业中

休息中

每到星期一，工作总系密密麻麻，由于听日去旅行既关系，今晚又系简简单单一餐就算，谂唔到食咩既关系，又想快靓正、快快手食完执行李，我又去左我既食堂-唐记，近排真系食得好密，食过咁多间唐记，其实每间既味道都差唔多，但计服务，呢间真系最好，啲姐姐个个都好好笑容，好有礼貌，而且佢地啲动作真系好快手，今晚8点半去到都仲系排长龙，不过姐姐动作好快，唔驶等好耐已经可以买到，呢样真系要俾一百分。今晚我买左个凤爪排骨饭、虾饺、鹌春蛋烧卖、鸡扎同奶茶返屋企同我妈食，因为呢间店人流多，所以点心可以新鲜出炉，就算外卖返到屋企都保持到够热，本身都钟意唐记啲点心，因为真系足料、又抵食又大碟大大件鸡扎包住芋头、猪肚、鸡肉等，呢度既芋头系好粉，而且大大旧，唔会瘀瘀黑黑，鸡肉又系大大件；鹌春蛋烧卖就唔系度度地方都有得卖，一碟三粒，每粒都好足料又大粒；虾饺我就第一次买，一碟三粒，皮够薄，够大粒，唔错；凤爪排骨饭就好正常，好多时我都会买呢个饭，因为贪佢有两样𩠌食，而且又会配埋椰菜都算健康；最后买左樽奶茶，糖分唔太高，无添加，最重要系都算几滑。