影片
更多
2013-12-14
566 浏览
之前行过门口好几次，接待员都好热切想要请我们入内试一试 ，不过都因为已 book 了其他馆子 ....终于今晚专程来试了，整体感觉良好 ，share 俾其他未试嘅屯门友。先讲吓装修 ，之前经过餐厅门口见有好多木桶 ，有大有细 ，有日本 feel 但感觉有啲杂乱 ，反而入到去又唔同晒，用大木桶做灯饰同卡座 ，仲有一大幅镜墙同日式灯笼 ，光洁明亮服务算很主动周到 ，需然有多位服务员都好明显系新人 ，但系态度还算不错。Order 几样食物好快就到。先来 半烧三文鱼伴酸汁 ，第一次听 ，唔错㖞 ，三文鱼大小适中口感好 ，酸汁唔太酸 ，最啱做醒胃前菜牡丹虾系「卖飞佛」但 48 蚊一只就迷你咗啲啰 ，亦唔够鲜味 ，同平时食开果啲冇得比杂锦寿司 ，唔错 ，系细件少少 ，但对于唔太好食饭嘅人其实啱啱好三文鱼三文鱼子烧饭团 ，料多大件头 ，睇到同食到好满足 ，只系部份位置略嫌㶶咗少少串烧拚盆 味道 ok ，但一早上咗枱又要等我食晒生嘢先轮到佢 ，食嘅时候唔太热 ，差咗少少 ，如果 6 串之中有 1 串系牛舌就好喇！最后介绍 海胆汁烧蚝 ，有新意 ，好惹味 ，但都好浓味 ，建议最后先叫 ，同埋一人唔好食多
终于今晚专程来试了，整体感觉良好 ，share 俾其他未试嘅屯门友。
先讲吓装修 ，之前经过餐厅门口见有好多木桶 ，有大有细 ，有日本 feel 但感觉有啲杂乱 ，反而入到去又唔同晒，用大木桶做灯饰同卡座 ，仲有一大幅镜墙同日式灯笼 ，光洁明亮
服务算很主动周到 ，需然有多位服务员都好明显系新人 ，但系态度还算不错。Order 几样食物好快就到。
先来 半烧三文鱼伴酸汁 ，第一次听 ，唔错㖞 ，三文鱼大小适中口感好 ，酸汁唔太酸 ，最啱做醒胃前菜
牡丹虾系「卖飞佛」但 48 蚊一只就迷你咗啲啰 ，亦唔够鲜味 ，同平时食开果啲冇得比
杂锦寿司 ，唔错 ，系细件少少 ，但对于唔太好食饭嘅人其实啱啱好
三文鱼三文鱼子烧饭团 ，料多大件头 ，睇到同食到好满足 ，只系部份位置略嫌㶶咗少少
串烧拚盆 味道 ok ，但一早上咗枱又要等我食晒生嘢先轮到佢 ，食嘅时候唔太热 ，差咗少少 ，如果 6 串之中有 1 串系牛舌就好喇！
最后介绍 海胆汁烧蚝 ，有新意 ，好惹味 ，但都好浓味 ，建议最后先叫 ，同埋一人唔好食多过一只
以上二人份量差啲食唔晒 ，餐牌所有甜品一律未有供应 ，哗！冇甜品食点得架 ，埋单行过去买 cake 番屋企食先 ^^
张贴
