影片
更多
2021-11-24
713 浏览
你会以为自己唔知做咗啲乜好似得罪咗佢。八点半，见舖空空，同三个朋友行入舖，侍应喝住我哋：「唔该你哋出返去先啊，有好重要嘅嘢要讲。」咁我哋唯有全部人褪返出去舖外。然后佢讲：「我哋得两人枱，冇四人枱，你哋o唔ok先？哩样嘢好重要。得唔得？」我哋ok，于是入舖。坐低填完纸仔，开始睇餐牌。未睇完，侍应揸住个箱行埋嚟，问：「你哋填好晒纸，咁不如摆咗落箱先啦。」当时我谂，冇咩嘢嘅，紧张查牌啫。可惜𠮶时冇走到，结果买气受。拣好个饭，剔埋鲣鱼汁茄子，我就交纸。侍应畀返张纸我，态度恶咁同我讲：「我哋9点钟last order㗎，唔会有小食㗎啦。」朋友乙都忍唔住细细声同我讲：「9点钟last order，同冇小食有咩关系？而家仲要八点半咋㖞。」我虽然唔太顺气，但得饶人处且饶人。于是我再剔柠檬茶，再交。侍应再弹回头话：「小食冇，茶啡都冇晒㗎啦，得返汽水。」我唔明冇小食点解就会知你冇茶啡。朋友都忍唔住问：「你不如一次过讲埋冇咩？」佢话冇啦。咁我转汽水啦，我净系想交张纸。佢收咗，5秒后回头，突然摀低身，指住枱角个号码，喺我耳边讲：「其实先生麻烦你下次自己填枱号吖，唔该晒。」头先朋友嬲，但到哩度佢已经笑咗。不过我
八点半，见舖空空，同三个朋友行入舖，侍应喝住我哋：「唔该你哋出返去先啊，有好重要嘅嘢要讲。」
咁我哋唯有全部人褪返出去舖外。然后佢讲：「我哋得两人枱，冇四人枱，你哋o唔ok先？哩样嘢好重要。得唔得？」
我哋ok，于是入舖。坐低填完纸仔，开始睇餐牌。未睇完，侍应揸住个箱行埋嚟，问：「你哋填好晒纸，咁不如摆咗落箱先啦。」
当时我谂，冇咩嘢嘅，紧张查牌啫。可惜𠮶时冇走到，结果买气受。
拣好个饭，剔埋鲣鱼汁茄子，我就交纸。侍应畀返张纸我，态度恶咁同我讲：「我哋9点钟last order㗎，唔会有小食㗎啦。」
朋友乙都忍唔住细细声同我讲：「9点钟last order，同冇小食有咩关系？而家仲要八点半咋㖞。」
我虽然唔太顺气，但得饶人处且饶人。于是我再剔柠檬茶，再交。侍应再弹回头话：「小食冇，茶啡都冇晒㗎啦，得返汽水。」
我唔明冇小食点解就会知你冇茶啡。朋友都忍唔住问：「你不如一次过讲埋冇咩？」佢话冇啦。
咁我转汽水啦，我净系想交张纸。佢收咗，5秒后回头，突然摀低身，指住枱角个号码，喺我耳边讲：「其实先生麻烦你下次自己填枱号吖，唔该晒。」
头先朋友嬲，但到哩度佢已经笑咗。不过我慢半拍，哩下先到我嬲。我问我朋友：「佢系咪觉得我好蠢？」
到送餐畀我朋友，侍应出咗两下声，但冇讲嘢，又唔摆个盘落嚟。我朋友冇反应，于是我话：「佢应该系叫你唔好好桥脚啊」。朋友放返低只脚，佢先摆个盘落嚟。我突然醒觉，我做乜要帮个侍应出声？系斯德哥尔摩症候群？
食到一半，有三个客行入嚟。侍应又喝住佢哋，大声讲：「小姐，我哋出面反咗牌啦，饭卖晒㗎啦，唔好意思。」𠮶几个人面懵懵咁转身望望门口个木牌仔，
头dup dup行返出去。我好想跑出去同佢哋讲：I feel you。
我同朋友讲，我下次唔想再嚟。佢哋同意，咁我去埋单，我以为完啦。我问佢收唔收信用卡。
侍应小小大声答：「现金、八达通、信用卡。」
临走，个侍应讲咗句罐头欢送嘅日文。
我第一次觉得日文咁难听。
个饭不过不失。汁嘅份量足够，就系正常嘅味道。
张贴