影片
更多
2019-09-01
592 浏览
师傅喺旺角区，见有啲肚饿，谂咗一阵食乜好? 师傅记得呢度有一间食店系食车仔面，而且水准都唔错，所以谂都唔使谂，即刻行过去食碗车仔面先。入到去人唔多，由于又系下午茶时段，所以都有好多位坐，坐低之后个靓女侍应都好快埋黎师傅身边，帮师傅落柯打。望左阵师傅就决定落单，一口气柯打左几款𩠌，分别系猪红，猪皮，猪肠，牛腩同埋牛柏叶，而面底就拣左油面，跟住就配中辣，个靓女小姐仲话加埋腩汁好唔好，师傅当然话好啦，变咗腩汁加中辣。由于下午茶时段，所以有杯饮品会送返，师傅就拣咗杯冻柠茶 走甜。落完单唔使等左好耐，就有得食。师傅先试下个汤底，汤底味道几浓，加上香香甜甜，几好味，再将辣酱汁捞匀，变为辣汤底之后，个味道变得非常惹味，甚为吸引。再试下个猪红，猪红都系一粒粒为主，又唔算卤得好入味，但又唔算好差，口感都好烟烟韧韧，唔会一夹就散，都可以。至于猪皮就比较参差，都系属于半爽半腍𠮶种，如果啲猪皮可以再爽口少少，就会更加好啦，而且非常入味，所以都可以。猪肠又系一绝，炆得超腍，加上肠身超肥美，超好食，呢个猪肠绝对系师傅必食推介 。另外两个𩠌都比较令人惊喜，分别就系牛腩同埋牛柏叶，牛腩好香，要肥有肥，要瘦有瘦，唔系碎
入到去人唔多，由于又系下午茶时段，所以都有好多位坐，坐低之后个靓女侍应都好快埋黎师傅身边，帮师傅落柯打。望左阵师傅就决定落单，一口气柯打左几款𩠌，分别系猪红，猪皮，猪肠，牛腩同埋牛柏叶，而面底就拣左油面，跟住就配中辣，个靓女小姐仲话加埋腩汁好唔好，师傅当然话好啦，变咗腩汁加中辣。由于下午茶时段，所以有杯饮品会送返，师傅就拣咗杯冻柠茶 走甜。
落完单唔使等左好耐，就有得食。师傅先试下个汤底，汤底味道几浓，加上香香甜甜，几好味，再将辣酱汁捞匀，变为辣汤底之后，个味道变得非常惹味，甚为吸引。再试下个猪红，猪红都系一粒粒为主，又唔算卤得好入味，但又唔算好差，口感都好烟烟韧韧，唔会一夹就散，都可以。
至于猪皮就比较参差，都系属于半爽半腍𠮶种，如果啲猪皮可以再爽口少少，就会更加好啦，而且非常入味，所以都可以。猪肠又系一绝，炆得超腍，加上肠身超肥美，超好食，呢个猪肠绝对系师傅必食推介 。
另外两个𩠌都比较令人惊喜，分别就系牛腩同埋牛柏叶，牛腩好香，要肥有肥，要瘦有瘦，唔系碎腩，入口唔韧，所以都几好食。至于牛柏叶入口好爽，虽然冇卤过，但口感一流，劲爽唔韧，掂㖞! 至于油面就普普通通，不过不失。冻柠茶普通，正正常常冇大惊喜，可以。
总括黎讲食物质素不俗，环境都舒服，冷气都几够，环境干净卫生，价钱都唔算贵，下午茶时段56蚊五个𩠌一个面，仲要送杯饮品，都算几抵食。埋单嘅时候再送多张赠饮券，方便师傅下次黎食嘅时候可以有杯饮品，又几化算㖞。笑脸绝对可以比，呢间肯定会再黎，虽然地点偏左少少，但无损师傅下次再黎嘅心。
$56
29 浏览
0 赞好
0 留言
冻柠茶
11 浏览
1 赞好
0 留言
张贴
