影片
更多
2019-08-31
1580 浏览
讲开食车仔面，最近黑食会嘅大声就话大埔呢一间食店都几得㖞，叫师傅有机会一定要黎试下，既然讲到咁，趁住假期又冇乜嘢做，专登搭车入嚟，食一食个车仔面，睇下你究竟乜野葫芦卖乜野药先得。坐完一程车入到大埔，落咗车之后就揾下间食店，由于身处呢一条广福道，所以都比较容易揾，师傅唔使用咗好多时间就已经可以揾到啦。入到去食店，见到冇乜人，心有啲怯，但既然黎到，就入去会下佢。侍应见师傅一条友，就由得师传求其坐。一条友最稳阵就系对住幅墙面壁，之后就攞张纸出黎，睇下有咩好食，再拣下想食乜先。睇住佢张餐单，都有几多嘢食选择，有啲系有粒星，有啲就冇星，好明显星系代表出位野。之后师傅谂咗一阵，决定今次个面底就拣左个有星星嘅油面，睇下系咪真系咁好食先，至于𩠌就拣咗猪红，猪皮，猪肠，咖哩鱿鱼，牛腩同埋萝卜六个𩠌，汤底就加咗腩汁再要咗个麻辣中辣添。餐单上边有几款野都有粒星，好似猪肠，麻辣汁，油面等，所以呢几款都令师傅期待，另外师傅对佢𠮶个凤爪都好有兴趣，不过试左呢啲先，如果好嘅下次先再试其他。说是迟那时快，一碗热辣辣嘅车仔面就放喺师傅面前。先试汤底，汤底味道几香甜，都吸引，再捞埋佢个麻辣酱，又系另一番风味，麻辣够香够麻
坐完一程车入到大埔，落咗车之后就揾下间食店，由于身处呢一条广福道，所以都比较容易揾，师傅唔使用咗好多时间就已经可以揾到啦。入到去食店，见到冇乜人，心有啲怯，但既然黎到，就入去会下佢。
侍应见师傅一条友，就由得师传求其坐。一条友最稳阵就系对住幅墙面壁，之后就攞张纸出黎，睇下有咩好食，再拣下想食乜先。
睇住佢张餐单，都有几多嘢食选择，有啲系有粒星，有啲就冇星，好明显星系代表出位野。之后师傅谂咗一阵，决定今次个面底就拣左个有星星嘅油面，睇下系咪真系咁好食先，至于𩠌就拣咗猪红，猪皮，猪肠，咖哩鱿鱼，牛腩同埋萝卜六个𩠌，汤底就加咗腩汁再要咗个麻辣中辣添。
餐单上边有几款野都有粒星，好似猪肠，麻辣汁，油面等，所以呢几款都令师傅期待，另外师傅对佢𠮶个凤爪都好有兴趣，不过试左呢啲先，如果好嘅下次先再试其他。
说是迟那时快，一碗热辣辣嘅车仔面就放喺师傅面前。先试汤底，汤底味道几香甜，都吸引，再捞埋佢个麻辣酱，又系另一番风味，麻辣够香够麻够辣，非常惹味，呢个麻辣酱真系冇得输，掂呀!
再试下猪红，猪红一粒粒，味道唔算卤得好入味，口感属于正常，唔算话好得，普通。猪皮唔算好大块，唔太爽口，又系𠮶种半爽半腍，都尚算入味，但口感一般，普通。再试下咖哩鱿鱼，鱿鱼爽口几香，但咖哩味欠奉，如果佢唔叫咖哩鱿鱼会好少少。
萝卜味道清甜，煮得几腍，冇渣，都可以。牛腩属于碎腩，碎湿湿加上鞋口同几干，完全唔得。最后系猪肠，猪肠够肥，而且炆得腍同入味，口感一流，六个𩠌中最似样系呢一个。最后油面就冇乜惊喜，就系油面，中规中矩，唔明点解有星。
总括黎讲食物质素中规中矩，环境就几特别，清洁干净，加上好有怀旧特色，绝对系卖点之一，价钱尚算合理，70蚊六𩠌一面加多支汽水，可以啦。师傅深信大埔仲有更多选择，再黎机会应该不大，笑脸都比唔到。
29 浏览
0 赞好
0 留言
张贴
