影片
更多
2022-06-17
340 浏览
监房寻晚搞联欢，散场后师傅见有啲肚饿，于是乎返去自己个环头，睇吓有乜好食。当时已经10点过后，大部份食店都准备或已经打烊，本来想食碗米线，结果全部关晒门，忽然灵机一触，醒起呢间食店，其实师傅都想光顾一段时间，见佢仲开紧门，就一于去会一会佢。入到去食店都冇乜人，其实都正常嘅，当时时间大约系晚上十时一刻。入到去坐低后，即刻睇吓有乜食，攞张餐纸出嚟睇下先，哗好似好多嘢食咁，师傅又鬼咁死饿，于是谂都唔谂就柯打左幼面、猪皮、猪红、猪肠、萝卜、牛肚，谂多阵再加多个午餐肉，要辣汤底同牛腩汁，再走葱。等咗一阵，六𩠌车仔面就摆咗喺师傅眼前，鬼咁肚饿嘅师傅当然即刻食，先饮吓个汤底，发觉汤底系辣，咁当然系辣啦，师傅柯打辣汤嘛，但点解会系麻辣？其实张餐纸上系有得拣麻辣同辣汤，师傅明明系拣辣，到底系佢比错定师傅味觉出错呢？即然系咁，唯有照食，汤底辣系几辣，但麻辣唔香，偏咸少少，加上比较油腻，师傅就唔太钟意。再睇到碗车份面，𠮶份午餐肉竟然系得半件仔，但系就收$9一份，似乎呢个份量有啲贵。先唔讲个餐肉住，讲下个萝卜先，萝卜切得几大嚿，一碗有三旧，入口够腍，可惜有渣，清汤萝卜，讲真有渣呢下真系扣唔少分。再试吓猪皮，猪
入到去食店都冇乜人，其实都正常嘅，当时时间大约系晚上十时一刻。入到去坐低后，即刻睇吓有乜食，攞张餐纸出嚟睇下先，哗好似好多嘢食咁，师傅又鬼咁死饿，于是谂都唔谂就柯打左幼面、猪皮、猪红、猪肠、萝卜、牛肚，谂多阵再加多个午餐肉，要辣汤底同牛腩汁，再走葱。
等咗一阵，六𩠌车仔面就摆咗喺师傅眼前，鬼咁肚饿嘅师傅当然即刻食，先饮吓个汤底，发觉汤底系辣，咁当然系辣啦，师傅柯打辣汤嘛，但点解会系麻辣？其实张餐纸上系有得拣麻辣同辣汤，师傅明明系拣辣，到底系佢比错定师傅味觉出错呢？即然系咁，唯有照食，汤底辣系几辣，但麻辣唔香，偏咸少少，加上比较油腻，师傅就唔太钟意。
再睇到碗车份面，𠮶份午餐肉竟然系得半件仔，但系就收$9一份，似乎呢个份量有啲贵。先唔讲个餐肉住，讲下个萝卜先，萝卜切得几大嚿，一碗有三旧，入口够腍，可惜有渣，清汤萝卜，讲真有渣呢下真系扣唔少分。再试吓猪皮，猪皮嘥屎有大有细，口感亦都有爽口又有腍口，非常参差好唔专业，放咗喺个碗度感觉系犹如鸡肋一样，可惜。猪红细细旧，份量都算多，都有六至七旧到，呢个师傅冇乜投诉，正正常常收货。
再试牛肚，牛肚完全未炆腍，入口又硬又韧，绝对系失败中嘅失败。至于猪肠就切得几大嚿，水准亦都系几参差，完全唔腍，仲有少少渣，味道一般，唔得。最后就系半块午餐肉，午餐肉系有煎过，都煎得几香，但午餐肉始终都系午餐肉，九蚊块得咁少就唔抵食，冇下次。到于幼面水准都算正常，冇大惊喜。
总括嚟讲食物水准唔掂，净系讲𠮶三猪都已经唔合格，地方环境还算可以，但系咁样食六个𩠌一个面底，埋单$74，唔算抵食。喺呢一区虽然冇乜车仔面嘅选择，但宁愿唔食都冇可能食咁曳嘅水准，六款𩠌有四款佢自己比三个手指公，莫非越多手指公越伏？笑面比唔到，喊晒口啦，师傅肯定唔会再黎。
$74
35 浏览
0 赞好
0 留言
张贴
