德運豬扒車仔麵

营业中

休息中

漢堡扒豬大腸午餐肉油麵這款濃郁風味的油麵絕對是一種令人難以忘懷的美味。結合了豐富的漢堡扒、豬大腸和午餐肉，每一口都充滿了豐富的肉香和口感。油麵的煮法恰到好處，帶有微微的彈性，完美地吸收了各種肉類的風味。這道料理絕對是肉食愛好者的一大享受，讓人難以抗拒再來一口的誘惑。豬皮墨魚丸豬紅油麵這款油麵展現了豬皮、墨魚丸和豬紅的完美結合，帶來豐富的風味和口感。豬皮的韌度、墨魚丸的彈性以及豬紅的鮮香相互輝映，每一口都是一場美味的冒險。撒上少許香濃的紅油，為這道油麵增添了一抹辛辣的風味，令人回味無窮。這道料理絕對是尋找獨特口味的美食愛好者的最佳選擇，帶來驚喜且美味的用餐體驗。

外賣碗麵食都未食就見到有蟲係碗麵上浮面🫠聯絡店家呢個情況 居然覆我已經出餐就算冇任何其他嘅回應同賠償係咪出左餐責任就不在店家？？？見其他留言都有講過呢個問題諗住食嘅人自己睇路啦

下午兩點搵食，實在好多選擇，經過見頗多食客，睇下午茶價格，十分便宜喎，便入內試試。地方窄長，座位只有廿幾個，裝修一般，衛生乾淨。對古法魚腐十分失望，不是我食開的魚腐，似是方形魚蛋，所謂真墨魚丸，係有墨魚味嘅，不過唔係咁彈牙，而且頗細粒，基本唔係太差，可能睇個名就有了高期望，不過以這個價格，份量尚可。粗面底也可以，個湯底就十分美味，我是選了小辣，個辣度真係好微，中辣應該啱我多啲，車仔麵呢個湯底的確唔錯。

三個麻甩佬去食招牌菜嗰幾樣都差唔多叫哂，都冇樣好食，咖哩乜咖哩物，全部都唔入味，豬皮都唔入味，食過咁多間呢間真係食神級數，十分推介，請幫我廣全出去，如果唔係真係過意唔去

黎左碗米線，唔想即刻食。咪放幾分鐘先食囉。跟住食左一兩啖，發現芝士腸痴住飛飛既屍體。因為痴實左，見到有翅磅，但唔肯定係咩？但肯定係昆蟲。咁咪同個阿姨職員講囉。點知，佢話：你擺得太耐喇，咪有蟲飛左入去囉。我話：下，咁點呀而家？佢：咁換個條比你喇。因為果陣都十點幾，都未食晚餐唔想轉場，撳住道火，就叫佢換個條。但講真，你做食店，點會怪返個客轉頭架？大佬。你點都講聲，唔好意思，可能有d飛飛撞左入去，幫你換返。咁咪算囉。個阿姨，叫我夾返芝士腸出黎，佢仲要大大聲又同廚房個阿叔講多次：個客擺得太耐喇，搞到有嘢痴左落條腸度，你恰過比佢啦。嘢又唔係好食，杯檸茶仲要苦，仲要比人怪罪又受氣。咁既衛生同態度，祝你哋早日執笠喇。做到遊客生意你哋就做啦。港人生意佢地都唔諗住做架喇。本人極少負評，今次第二次負評。以後都想再去呢間。以上所講，全屬實！！

本身都懶，唔會寫咩評論，但呢間野食真系差到我想特登開open rice寫。杯凍檸茶難飲到，可以話我未試過咁難飲。都算，唔系黎飲野，黎醫肚餓姐，點知碗車杯面湯底唔熱，腩汁湯底同清湯一樣無味，配菜又貴又普通，唔好信其他食評，5星伏。

昨天29/2/2024 下午去來這間《德運豬扒車仔麵》食車仔麵，知道呢間店著名招牌餸是炸豬扒，名堂為《魅味炸豬扒》，選擇三餸麵，包括這個炸豬扒，自製貢丸，同埋金菇（需要多啲纖維，同埋金菇幫助減內臟脂肪），另加油麵同埋熱鴛鴦（呢期太酷愛飲鴛鴦）除咗自選麵之外，知道有其他指定餸組合嘅套餐揀，都知道點《五福臨門》套餐都有炸豬扒食，咁啱這款套餐的指定配料今次未啱食，下次點套餐係會抵啲嘅（雖然好似飲品都係另外加錢）車仔麵味道方面都OK唔錯，炸豬扒都OK好食👍👍加咗牛腩汁，增加美味感👍👍牛腩汁係有少少牛腩肉可以食😋 價錢單點一個餸都$10至$22等😮 麵底要$18，飲品就加$5至$13左右（熱飲凍飲特飲，汽水），價錢都中上貴😮

今日去「德運豬扒車仔麵」，一入去我就點咗招牌豬扒麵。滿座食客嘅熱鬧景象，胃口即刻大開！👀 等咗一陣子，麵終於上嘅時候，我隻眼都快要淚汪汪！🤤 豬扒啊，炸到啱啱好，外層嘅脆同裡面嘅嫩，呢個絕妙對比，正到不得了，真係撩到我個味蕾。烏冬麵也係另一個驚喜，口感彈牙，淋上嗰啲沙嗲湯汁，味道夠晒醒胃。舖頭仲有一堆配料可以揀，我嘅選擇係爽口牛肉太同墨魚太。特別讚佢個生菜，清脆爽口，滷水蛋咸香得嚟又入味。另外，我又要提一提滷水雞翼😋，啖啖肉，啖啖香，好過癮。真係要表揚下，食過之後整個人都暢快哂。下次有機會，仲想試吓其他嘅配料，睇吓會唔會仲有其他驚喜等緊我！要形容今次嘅體驗，就係：豬扒麻麻地，食物新鮮飽滿，款款都是精選，真係一試難忘啊！👌🥢🎉

已經好耐冇食米線了🥹🥹✨牛腩汁湯米線🍜🔸真墨魚丸🔶魅上豬扒米線嘅軟硬度適中，啲牛腩汁幾香，微微辣得嚟幾開胃(>^ω^<)仲要額外加咗唔少蔥粒、芫荽、炸蒜粒，更加香。墨魚丸幾彈牙同扎實。而炸豬扒好香，好大塊。另外都偷食我隔離嗰個一粒

個點單紙寫得唔清楚，菜單自選面印着熱飲加5蚊，寫單時候變咗正價，又無緣無故加多五蚊醬汁。菜單上只有酸菜底加多五蚊。Argue仲要講：跟你解釋不清楚，香港人都知道。在香港几年了，知道自选面饮品正价确实正常，酱汁加钱也正常，但是点单纸不清楚会有误导，argue的时候店员态度很差又不耐烦，好好解释难道还能不付钱吗？总体感觉不是去吃饭是去受气的味道还过得去，但是让人觉得掉进了隐形消费，店员的表现让人很不爽，可能周末返工人戾气重

每樣食物都很鹹，有些甚至有雪味，連說明的秘製豬扒都咸得離譜食完要狂喝水車仔麵嚟講，質素真的難同其他鋪比較服務員語態度差勁，語氣十分差，態度散漫，店裏有一陣難聞的味，空氣完全不流通完全沒有意欲想再幫襯多一次一定不會再光顧

第一次幫襯這間「德運豬扒車仔麵」，吃的卻不是車仔麵，而是酸辣米線，配以店中推介的魅味豬扒，以一碗「味魅豬扒酸辣米線」（$55）作為主食，再加多個港式小吃「情懷四寶」（$30/小），伴以走甜的「凍檸茶」（$7/跟餐價），成為一個豐富的午餐。「味魅豬扒酸辣米線」的米線頗為軟滑，酸辣湯底無疑是辣的，卻是我還可以接受到的程度，不至於吃得頭頂冒汗，眼淚鼻水齊來。至於主角中的主角，店家推介的味魅豬扒，雖然因為我沒有叫另上的綠故，難免會被湯浸得有點軟身而不夠脆，不過兩塊都不算細件的豬扒，調味可還是挺好的，味道還算不錯。「情懷四寶」其實即是韭菜、豬紅、大腸、蘿蔔，這小食做得很不錯，韭菜爽嫩、豬紅軟滑、大腸肥厚、蘿蔔清甜，而且也許是因為很久沒吃過這些港式小食吧 ，這「情懷四寶」我吃得特別滋味，著實相當滿意。

早上諗住搵個地方少啲人食早餐， 因為澳牛已經排到出去幾條街以外， 10点入到去 得三個 職員，完全無客， 點咗佢哋嘅 豬扒米線， 跟住除口罩， 就聞到有一陣 爆屎渠 味道， 職員話做緊工程， 跟住有個清潔員工喺度噴香薰， 蓋過咗啲味道， 等咗15分鐘都未有嘢食， 職員話 整緊 豬扒， 跟住同一個職員 就開始用漂白水洗地， 空氣裏面充滿咗屎渠漂白水香薰嘅味道， 然之後嗰碗豬扒米線就到喇， 我用咗 十分鐘 盡快食完米線 盡快離開， 完全唔知食緊乜嘢， 一碗米線 加埋 奶茶 埋單72蚊！其實你哋未預備好，可以唔開門做生意。

食物ok，但服務唔ok。本身想0.5麵底+0.5菜底，問左唔駛加錢先揀，出左張唔駛加錢嘅單。點知食緊嗰時陰啲陰啲涉左張改左嘅單，變左1麵底+1菜底，收多16蚊，同本身agree左嘅唔同。blacklist!

以豬扒做招牌嘅車仔麵店 當然要試試佢 麵底配餸無特定 全自選 鍾意食咩都得😉另外都有幾款預設好配餸之選湯底唔似出面嘅車仔麵咁帶甜味 反而似食酸辣米線嘅湯🍜豬扒果然肉質嫩又入味 唔會有一層好厚嘅炸粉 但幾香脆 食落唔熱氣 無油溢味 食完都唔口渴 仲幾大份🙌🏻仲有比較特別嘅蠔仔🦪竟然會配車仔麵 唔算好大隻 但都新鮮另外手撕雞都係少見嘅車仔麵餸 都幾惹味 有芝麻同麻油香自家製韭菜餃好飽滿 入面超多韭菜🥦外皮有厚度 但唔覺得粉感重 都幾正